លោកត្រាំថា អាមេរិកចង់ឱ្យអ្នកស៊ើបអង្កេតទៅចិនពីបញ្ហាកូវីដ១៩
សហអាមេរិក ៖ តាមប្រភពព័ត៌មាន CNN ដែលបានផ្សាយនៅព្រឹកនេះ បានឱ្យដឹងថា ប្រធានាធិបតីអាមេរិក លោក ដូណាល់ ត្រាំ…
សហអាមេរិក ៖ តាមប្រភពព័ត៌មាន CNN ដែលបានផ្សាយនៅព្រឹកនេះ បានឱ្យដឹងថា ប្រធានាធិបតីអាមេរិក លោក ដូណាល់ ត្រាំ (Donald Trump) បាននិយាយកាលពីថ្ងៃអាទិត្យថា សហរដ្ឋអាមេរិក នៅតែចង់ឱ្យអ្នកស៊ើបអង្កេតចូលទៅប្រទេសចិន ដើម្បីស៊ើបអង្កេតការផ្ទុះឡើងនៃវីរុស COVID-19 ថ្មីនេះ។
សហរដ្ឋអាមេរិក ធ្លាប់បានធ្វើសំណើរនេះម្តងដែរ តែត្រូវបានគេបដិសេធ។ សេតវិមានបានចោទប្រកាន់ប្រទេសចិនជាបន្តទៀតថា បានដកហូតព័ត៌មានត្រឹមត្រូវអំពីទំហំនៃផលប៉ះពាល់របស់វីរុសនៅក្នុងប្រទេស។
លោកដូណាល់ ត្រាំ បានប្រាប់កាលពីថ្ងៃអាទិត្យថា ៖ «យើងកំពុងពិភាក្សាជាមួយប្រទេសចិន។ យើងបាននិយាយជាមួយពួកគេជាយូរមកហើយ អំពីការចូលទៅធ្វើការស៊ើបអង្កេត។ ពួកយើងចង់ទៅទីនោះ»។
គួរបញ្ជាក់ផងដែរថា នាយកមន្ទីរពិសោធន៍សន្តិសុខខ្ពស់បំផុត នៅទីក្រុងវូហាន នៃប្រទេសចិន បានបដិសេធការអះអាងថា វាអាចជាប្រភពនៃការផ្ទុះឡើងនៃជំងឺកូវីដ១៩ ដោយបញ្ជាក់ថា វាមិនអាចទៅរួច៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ