ព្រោះ ព្រះពុទ្ធទ្រង់ហាមពុំឲ្យសេពសុរាទេ ដោយសារតែស្រវឹងនោះនាំឲ្យមានវិបត្តិផ្សេងៗ ដ្បិតមនុស្សយើងសព្វថ្ងៃនេះមានស្រវឹងនៅពេញខ្លួនស្រាប់ទៅហើយ ។ ស្រវឹងព្រោះលោភៈ គឺសេចក្ដីជាប់ជំពាក់ ឬចំណង់ចង់បាន លោភលន់ នេះជាស្រវឹងប្រការ១,…
ព្រោះ ព្រះពុទ្ធទ្រង់ហាមពុំឲ្យសេពសុរាទេ ដោយសារតែស្រវឹងនោះនាំឲ្យមានវិបត្តិផ្សេងៗ ដ្បិតមនុស្សយើងសព្វថ្ងៃនេះមានស្រវឹងនៅពេញខ្លួនស្រាប់ទៅហើយ ។
ស្រវឹងព្រោះលោភៈ គឺសេចក្ដីជាប់ជំពាក់ ឬចំណង់ចង់បាន លោភលន់ នេះជាស្រវឹងប្រការ១, ស្រវឹងព្រោះទោសៈ គឺសេចក្ដីក្រោធខឹង នេះស្រវឹងប្រការ១, ស្រវឹងព្រោះមោហៈ គឺសេចក្ដីល្ងង់វង្វេងពុំស្គាល់ខុសត្រូវ នេះជាស្រវឹងប្រការ១ ។ ស្រវឹងទាំងអស់នេះតែងមាននៅក្នុងខ្លួនមនុស្សស្រាប់ទៅហើយ ៗមកថែមផឹកទឹកស្រវឹងចូលទៅទៀតធ្វើឱ្យស្រវឹងចាស់នោះរឹតតែមានកម្លាំងខ្លាំងក្លាឡើង ។ មួយទៀតទៅជាមនុស្សឥតអៀនខ្មាស បើកបង្ហាញកេរ្តិ៍ខ្មាសធ្វើឱ្យប៉ះពាល់សេចក្តីថ្លៃថ្នូរបំផុត និងជាអ្នកបង្កជម្លោះសព្វបែបយ៉ាង ។
សុរានេះក៏នាំឲ្យកើតរោគឆាប់ងងឹតភ្នែក ឆាប់ចាស់ជរាគ្រាំគ្រាទ្រោមទ្រុឌ ព្រោះទោសយ៉ាងនេះហើយ បានជាថាមានបាបក្នុងលោកនេះ ឯប្រាក់ដែលយកទៅទិញសុរានោះក្នុងមួយឆ្នាំៗ បើប្រមូលទុកក៏មិនតិចដែរ បើទុកចិញ្ចឹមគ្រួសារក៏គង់ប្រសើរជាង ។ សាន សារិន
ចែករំលែកព័តមាននេះ