រាជធានីភ្នំពេញ ៖ តាមព័ត៌មានទទួលបាននៅមុននេះបន្តិចបានឲ្យដឹងថា មានទាហានខ្មែរ៣រូប មានឋានន្តរស័ក្ត «នាយចំណង់» ចំនួន៣ រូប កំពុងសិក្សានៅប្រទេសរុស្ស៊ីត្រូវបានរកឃើញថាកើតវីរុសកូវីដ១៩ ។…
រាជធានីភ្នំពេញ ៖ តាមព័ត៌មានទទួលបាននៅមុននេះបន្តិចបានឲ្យដឹងថា មានទាហានខ្មែរ៣រូប មានឋានន្តរស័ក្ត «នាយចំណង់» ចំនួន៣ រូប កំពុងសិក្សានៅប្រទេសរុស្ស៊ីត្រូវបានរកឃើញថាកើតវីរុសកូវីដ១៩ ។
យោងតាមលិខិតការិយាល័យអនុព័ន្ធយោថា នៃស្ថានឯកអគ្គរាជទូតខ្មែរប្រចាំនៅសហព័ន្ធរុស្ស៊ី ចុះថ្ងៃទី ១៩ មេសា ឆ្នាំ២០២០ និងចុះហត្ថលេខាដោយឧត្តមសេនីយ៍ត្រី ប៉ែន ពិសិដ្ឋ បានឲ្យដឹងថា នៅថ្ងៃទី១៨ មេសា វេលាម៉ោង ២០:០០ នាទី សិក្ខាកាមយោធាកម្ពុជាយើងចំនួន ៣ រូប បានឆ្លងនូវជំងឺកូវីដ-១៩ បន្ទាប់ពីបានបញ្ជួនទៅពិនិត្យនៅមន្ទីរពេទ្យក្រុងក៏បានរកឃើញលទ្ធផលវិជ្ជមាន ។ ដែលសិក្ខាកាមទាំង ៣ រូបកំពុងសិក្សាឆ្នាំទី ៣ ជំនាញវេជ្ជសាស្ត្រទូទៅ នៅសកលវិទ្យាល័យវេជ្ជសាស្ត្រយោធានៃទីក្រុងសេនភីតថើស្បឺក (Saint Petersburg) ។
ប្រភពដដែលបានបញ្ជាក់ថា «មូលហេតុនៃការឆ្លងនេះ គឺដោយសារតែមានការឆ្លងពីបណ្តាសិក្ខាកាមយោធាជនបរទេសដទៃទៀតដែលសិក្សាឆ្នាំជាមួយគ្នា និងស្នាក់នៅជាន់ជាមួយគ្នា។ បច្ចុប្បន្នសិក្ខាកាមយោធាកម្ពុជាទាំង០៣រូបត្រូវបានខាងសាលាបញ្ជួនទៅមន្ទីរពេទ្យព្យាបាលជំងឺកូវីដ១៩ និងកំពុងតាមដានសុខភាពបន្តទៀត» ។
យ៉ាងណាមិញ ស្ថានភាពរបស់សិក្ខាកាមយោធាទាំង៣ មិនស្ថិតក្នុងស្ថានភាពធ្ងន់ធ្ងរទេ ៕ (កែសម្រួលដោយ ៖ បុប្ផា)
ចែករំលែកព័តមាននេះ