ខេត្តបន្ទាយមានជ័យ ៖ ប្រជាពលរដ្ឋមួយគ្រួសារមានសមាជិក៥នាក់ មានអាការៈពុលចង្អួតចង្អោរ បង្កឲ្យមានការភ្ញាក់ផ្អើល និងបានដឹកបញ្ជូនមកសង្គ្រោះនៅមន្ទីរពេទ្យបង្អែ កស្រុកព្រះនេត្រព្រះ ។ ហេតុការណ៍នេះ កើតឡើងនៅភូមិទានកាំជើង…
ខេត្តបន្ទាយមានជ័យ ៖ ប្រជាពលរដ្ឋមួយគ្រួសារមានសមាជិក៥នាក់ មានអាការៈពុលចង្អួតចង្អោរ បង្កឲ្យមានការភ្ញាក់ផ្អើល និងបានដឹកបញ្ជូនមកសង្គ្រោះនៅមន្ទីរពេទ្យបង្អែ កស្រុកព្រះនេត្រព្រះ ។ ហេតុការណ៍នេះ កើតឡើងនៅភូមិទានកាំជើង ឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯកមាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា គ្រួសាររងគ្រោះ ១-ប៊ុន សារឿន ភេទប្រុស អាយុ៤៩ឆ្នាំ (ប្តី) ២-ឈ្មោះ ខិម សារ៉ាយ ភេទស្រី អាយុ៤២ឆ្នាំ (ប្រពន្ធ) ៣-ឈ្មោះ ប៊ុន កំសត់ ភេទប្រុស អាយុ៨ឆ្នាំ (កូន) ៤-ឈ្មោះ ប៊ុន សារិន ភេទស្រី អាយុ៦ឆ្នាំ (កូន) និង៥-ឈ្មោះ ឈូ រ៉ាឈាន ភេទស្រី អាយុ៣ឆ្នាំ (កូន)។ អ្នកទាំងអស់គ្នា មានទីលំនៅភូមិទានកាំជើង ឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ ។
លោកបន្តថា តាមការសាកសួរ នៅមុនពេលកើតហេតុ គ្រួសារនេះបានទិញពងមាន់អាំង ដែលគេបើកម៉ូតូដើរលក់យកមកហូប ។ បន្ទាប់មក ពួកគាត់បានបុកល្ហុងដោយខ្លួនឯងហូប ។ ហើយក្រោយមកទៀតក៏បានទិញបង្អែមអ្នកលក់ភូមិយកមកហូបទៀត ។ លុះដល់យប់ម៉ោង៧ជាង ស្រាប់តែមួយគ្រួសារគាត់នេះ កើតមានអាការៈក្អួតចង្អោរគ្រប់ៗគ្នា ។
លោកអធិការបញ្ជាក់ទៀតថា តាមការសន្និដ្ឋាន សង្ស័យជាពុលបុកល្ហុង ដែលគាត់បុកហូបក្នុងក្រុមគ្រួសាររបស់គាត់ បើសិនជាពុលបណ្តាលមកពីពងមាន់អាំង ឬបង្អែមនោះ គឺអាចពុលមនុស្សមិនត្រឹមតែមួយគ្រួសារប៉ុណ្ណោះទេ អ្នកផ្សេងក៏ពុលដែរ ។
បច្ចុប្បន្ន ជនរគ្រោះទាំង៥នាក់ បានធូរស្រាលនិងវិលត្រឡប់ទៅលំនៅដ្ឋានវិញហើយដែរ។ ដូច្នេះ សូមបងប្អូនមានប្រយ័ត្នប្រយែងចំពោះចំណីអាហារឱ្យបានខ្ពស់ ក្នុងរដូវកំពុងមានវិបត្តិកូវីដ១៩។
ចែករំលែកព័តមាននេះ