អ្នកដើរផ្សារត្រូវបង្កើនការប្រុងប្រយ័ត្ន ចំពោះការឆ្លងមេរោគកូវីដ១៩ ដោយសារតែនៅទីនោះមានមនុស្សច្រើន ។ ខាងក្រោមនេះ ជាមធ្យោបាយមួយចំនួន ដើម្បីកាត់បន្ថយការឆ្លងមេរោគកូវីដ១៩ នៅពេលទៅផ្សារទិញទំនិញ ។
១-ត្រូវមានផែនការជាមុនថាត្រូវទិញអ្វីខ្លះ៖ អ្នកត្រូវគិតអោយហើយនិងមានបញ្ជីទិញទំនិញ ដែលខ្លួនត្រូវទិញ ។ ការធ្វើដួច្នេះ នឹងកាត់បន្ថយការចំណាយពេលនៅផ្សារ ហើយអាចបន្ថយការឆ្លងមេរោគកូវីដ១៩។ ទន្ទឹមនោះ ពេលទៅផ្សារម្តងៗ ត្រូវទិញសម្រាប់ប្រើច្រើនថ្ងៃ ជាជាងការទិញមួយថ្ងៃប្រើមួយថ្ងៃ។
២-ប្រើមធ្យោបាយធ្វើដំណើរផ្ទាល់ខ្លួន៖ ការប្រើប្រាស់មធ្យោបាយធ្វើដំណើរផ្ទាល់ខ្លួន ក៏អាចជួយកាត់បន្ថយការឆ្លងមេរោគកូវីដ១៩ដែរ ពីព្រោះអ្នកមិនបាននៅជិតមនុស្ស ឬអ្នកបើកបរដែលអ្នកមិនស្គាល់។
៣-ជ្រើសពេលដែលមនុស្សតិចដើរផ្សារ៖ នៅតាមផ្សារមានម៉ោងខ្លះ មានមនុស្សច្រើននិងម៉ោងខ្លះទៀតមិនសូវមានមនុស្សទេ ។ ឧទាហរណ៍ដូចជាពេលព្រឹកជាដើម ផ្សារនិងហាងខ្លះមិនសូវទាន់មានមនុស្សច្រើនទេ។ ដូច្នេះ ការដើរផ្សារពេល មនុស្សមិនច្រើននឹងជួយអោយអ្នកបន្ថយការឆ្លងមេរោគកូវីដ១៩ផងដែរ។
៤-ព្យាយាមនៅឆ្ងាយពីអ្នកដទៃ ឬអ្នកលក់អោយបានពីរម៉ែត្រ៖ ការរក្សាគម្លាតបានពីរមែ៉ត្រនឹងជួយអោយអ្នករួចផុតពីការឆ្លងមេរោគកូវីដ១៩ ពីអ្នកដើរផ្សារដូួចគ្នា។ តាមអ្នកវិទ្យាសាស្ត្រតំណក់ទឹកតូចៗដែលក្អក ឬកណ្តាសចេញមកមិនអាចឆ្លងបានទេ បើសិនជាយើងនៅឆ្ងាយយ៉ាងតិចមួយម៉ែត្រ។ ប៉ុន្តែពីរ
មែ៉ត្ររឹតតែល្អ ៕
ចែករំលែកព័តមាននេះ