គ្មានអាជីវករណាដែលចាប់ផ្តើមអាជីវកម្មដំបូងដោយពោរពេញទៅដោយបទពិសោធន៍ក្នុងខ្លួនទេ ហើយមនុស្សដែលជោគជ័យជាមនុស្សដែលមើលរំលងកង្វះបទពិសោធន៍របស់ខ្លួន និងពឹងផ្អែកលើជំនាញដែលអាចជួយដល់ពួកគេបាន ។
ប្រសិនបើអ្នកជាសហគ្រិនដែលមានចំណាប់អារម្មណ៍ចង់ចាប់ផ្តើមអាជីវកម្មមួយ ឬជាមនុស្សដែលចង់ប្រើប្រាស់ជំនាញដែលខ្លួនមានលើកិច្ចការផ្សេងៗនោះ ខាងក្រោម គឺជាវិធីដែលអាចជួយឲ្យអ្នកបង្កើនតម្លៃខ្លួនបានទោះជាមិនមានបទពិសោធន៍ពិតមែនក្តី៖
១. ស្វាហាប់ក្នុងការរៀនសូត្រ
អ្នកត្រូវតែរកមនុស្សដែលអាចបង្រៀនដល់អ្នកបានមកនៅជុំវិញខ្លួន រួចស្តាប់ពីដំបូន្មាននិងគំនិតរបស់ពួកគេជាប្រចាំ ។ អ្នកគួរតែចាត់ទុកខ្លួនជាមនុស្សដែលមានបទពិសោធន៍តិចជាងគេក្នុងបន្ទប់ និងព្យាយាមប្រមូលព័ត៌មានឲ្យបានច្រើន ។ក្រៅពីរៀនពីសៀវភៅ អ្នកណែនាំ និងមនុស្សដែលអ្នកគោរពហើយ អ្នកមិនត្រូវភ្លេចរៀនសូត្រពីខ្លួនឯងទេ ។ អ្នកត្រូវមានទម្លាប់រៀនសូត្រពីកំហុសឆ្គងដែលបានប្រព្រឹត្តនិងព្យាយាមជៀសវាងវានៅថ្ងៃអនាគត ។
២. រក្សាមនុស្សធម៌គ្រប់ពេល
អ្នកត្រូវចងចាំថា មនុស្សដែលដាក់ខ្លួនជាងគេក្នុងបន្ទប់ជាមនុស្សដែលអ្នកដទៃចង់រាប់អានជាងគេដែរ ។ ហើយគុណសម្បត្តិនេះជួយឲ្យអ្នករកបានអ្នកគាំទ្រ ដៃគូសហការ និងប្រភពនៃចំណេះដឹងសំខាន់ៗទៀតផង ។ពេលដែលអ្នកចែករំលែកប្រាប់អ្នកដទៃពីបទពិសោធន៍របស់អ្នក អ្នកគួរតែចេះដាក់ខ្លួន ប៉ុន្តែបង្ហាញជំនឿចិត្តលើខ្លួនឯងដដែល ។
៣. ចេះប្រើប្រាស់ធនធានដែលមាន
បទពិសោធន៍មិនសំខាន់ដូចសមត្ថភាពក្នុងការស្រូបយកចំណេះដឹងបានលឿនទេ ។ ប្រសិនបើអ្នកមិនមានបទពិសោធន៍គ្រប់គ្រាន់ អ្នកត្រូវចេះរកវិធីដើម្បីទទួលបានបទពិសោធន៍ ។ វាអាចកើតមានឡើងពីការស្គាល់មនុស្សដែលអាចជួយអ្នកបាន ឬចូលរួមការហ្វឹកហាត់រយៈពេលខ្លីជាដើម ។ អ្នកត្រូវតែរៀនចេះប្រើធនធានដែលអ្នកមានដោយឆ្លាតវៃ ៕
ចែករំលែកព័តមាននេះ