រាជធានីភ្នំពេញ ៖ សំណង់របងថ្មគ្រឹះរឹងមាំ និងរោងរបស់លោកមាស សាវឿន អតីតអនុរដ្ឋលេខាធិការក្រសួងយុត្តិធម៌ ដែលធ្លាប់មានរឿងអាស្រូវដីធ្លីសង់រំលោភយកដីផ្លូវ និងដីដែលមានប័ណ្ណកម្មសិទ្ធិនៅក្នុងតំបន់អភិវិវឌ្ឍប្ញស្សីកែវ ត្រូវបានអាជ្ញាធរខណ្ឌប្ញស្សីកែវ ប្រើកម្លាំងប្រមាណជាង៣០០នាក់ការពារគ្រឿងចក្រចុះទៅរុះរើ…
រាជធានីភ្នំពេញ ៖ សំណង់របងថ្មគ្រឹះរឹងមាំ និងរោងរបស់លោកមាស សាវឿន អតីតអនុរដ្ឋលេខាធិការក្រសួងយុត្តិធម៌ ដែលធ្លាប់មានរឿងអាស្រូវដីធ្លីសង់រំលោភយកដីផ្លូវ និងដីដែលមានប័ណ្ណកម្មសិទ្ធិនៅក្នុងតំបន់អភិវិវឌ្ឍប្ញស្សីកែវ ត្រូវបានអាជ្ញាធរខណ្ឌប្ញស្សីកែវ ប្រើកម្លាំងប្រមាណជាង៣០០នាក់ការពារគ្រឿងចក្រចុះទៅរុះរើ និងវាយកម្ទេចចោល។
ការប្រើវិធានការរដ្ឋបាលនេះ បានធ្វើឡើងកាលពីវេលាព្រឹកថ្ងៃទី១៧ មេសា នេះ នៅតំបន់អភិវឌ្ឍប្ញស្សីកែវ ដែលស្ថិតនៅក្នុងភូមិទួលពពែ ក្នុងសង្កាត់ទួលសង្កែ២ ខណ្ឌប្ញស្សីកែវ ដោយអាជ្ញាធរអនុវត្តបានសម្រេចដោយជោគជ័យមិនមានការតវ៉ានោះទេ ។ នៅក្នុងការប្រើវិធានការណ៍រដ្ឋបាលនេះ អាជ្ញាធរ ដឹកនាំដោយលោកជា ពិសី អភិបាលនៃគណៈអភិបាលខណ្ឌប្ញស្សីកែវ ព្រមទាំងមានការសម្របមស្រួលពីលោក ស៊ិត វណ្ណះ ព្រះរាជ្ញារងអមសាលាដំបូងរាជធានីភ្នំពេញ ។
តាមព័ត៌មានអោយដឹងថា អាជ្ញាធរបានប្រើកម្លាំង៣៤៦នាក់ រួមមានកម្លាំងគណៈបញ្ជាការឯកភាពខណ្ឌ
ប្ញស្សីកែវ សង្កាត់ ព្រមទាំងមានការចូលនគរបាលអន្តរាគមន៍ នៃស្នងការនគរបាលរាជធានីភ្នំពេញ និងកងរាជអាវុធហត្ថរាជធានីភ្នំពេញ ដើម្បីការពារគ្រឿងចក្រក្នុងការវាយកម្ទេចសំណង់រឹងមាំនេះ ព្រមទាំងត្រៀមរថយន្តពន្លត់អគ្គីភ័យចំនួន៣គ្រឿង ដើម្បីទប់ស្កាត់ចៀសវាងមានការអំពើហឹង្សាណាមួយផងដែរ។
តាមអាជ្ញាធរអោយដឹងថា ការប្រើវិធានការណ៍រដ្ឋាបាលនេះ គឺអនុវត្តតាមប្រសាសន៍ដឹកនាំរបស់លោកអភិបាលនៃគណៈអភិបាលរាជធានីភ្នំពេញ ដើម្បីចុះទៅរុះរើ វាយរបង និងសំណង រំលោភព្រមទាំងវាស់វែង ដីទុកជាធ្វើផ្លូវនិងប្រគល់ដីទៅអោយម្ចាស់កម្មសិទ្ធិ ។ក្នុងប្រតិបត្តិការ សមត្ថកិច្ចក៍បានអនុវត្តដោយរលូន ពុំមានការតវ៉ាឡើយ ។
ចែករំលែកព័តមាននេះ