ក្លិបបាល់ទាត់១នៅក្រុងក្វាងចូវបើកការដ្ឋានសាងសង់កីឡដ្ឋានជាផ្លូវការហើយ
ប្រទេសចិន ៖ យោងតាមរបាយការណ៍ពីសារព័ត៌មានក្នុងស្រុក Xinhua បានឲ្យដឹងថា ក្លិបបាល់ទាត់ Guangzhou Evergrande Taobao FC…
ប្រទេសចិន ៖ យោងតាមរបាយការណ៍ពីសារព័ត៌មានក្នុងស្រុក Xinhua បានឲ្យដឹងថា ក្លិបបាល់ទាត់ Guangzhou Evergrande Taobao FC នៃលីគកំពូលចិន (CSL) បានបើកការដ្ឋានសាងសង់កីឡដ្ឋានថ្មីរបស់ខ្លួនជាផ្លូវការ កាលពីថ្ងៃព្រហស្បតិ៍ នៅទីក្រុងក្វាងចូវ ខេត្តក្វាងទុង ។
កីឡដ្ឋានថ្មីនេះ ត្រូវបានសាងសង់លើផ្ទៃដី១៥ហិកតា ដែលអាចផ្ទុកអ្នកទស្សនាបាន ១សែននាក់ ។ ដោយតាមគម្រោងកីឡដ្ឋាននេះ នឹងបញ្ចប់ការសាងសង់ជាស្ថាពរមុនខែ ធ្លូ ចុងឆ្នាំ ២០២២ ។
ក្រុមហ៊ុន Evergrande group ដែលជាម្ចាស់ក្លិបបាល់ទាត់ Guangzhou Evergrande នឹងវិនិយោគទឹកប្រាក់សរុបចំនួន ១២ ពាន់លានយ័ន (ប្រមាណ ១,៦៩ ពាន់លានដុល្លារអាមេរិក) ដើម្បីសាងសង់កីឡដ្ឋានមួយនេះ ។
ម្ចាស់ក្រុមហ៊ុនខាងលើក៏បានថ្លែងថា កីឡដ្ឋាននេះត្រូវបានរចនាឡើង ជាមួយនឹងរូបរាងនៃផ្កាឈូកដែលរីកដុះដាល ហើយវានឹងក្លាយជានិមិត្តរូបដ៏សំខាន់នៃទីក្រុងក្វាងចូវ ៕
ចែករំលែកព័តមាននេះ