ប្រទេសអូស្ត្រាលី ៖ បុរសម្នាក់នៅអូស្ត្រាលីដែលបានទិញក្រដាសនិ ងទឹកលាងដៃ អស់ប្រាក់១ម៉ឺនដុល្លារ ត្រូវបានផ្សារទំនើបបដិសេធមិនប្តូរលុយជូនវិញ ក្រោយពីប្រើមិនអស់។ លោក John-Paul Drake…
ប្រទេសអូស្ត្រាលី ៖ បុរសម្នាក់នៅអូស្ត្រាលីដែលបានទិញក្រដាសនិ ងទឹកលាងដៃ អស់ប្រាក់១ម៉ឺនដុល្លារ ត្រូវបានផ្សារទំនើបបដិសេធមិនប្តូរលុយជូនវិញ ក្រោយពីប្រើមិនអស់។
លោក John-Paul Drake នាយកផ្សារទំនើប Drakes ក្នុងប្រទេសអូស្ត្រាលីថ្មីៗនេះ បានបង្ហោះវីដេអូមួយទៅកាន់យូធ្យូប ហើយបានបង្ហាញខ្លួននៅលើកញ្ចក់ទូរទស្សន៍ ដើម្បីនិយាយអំពីស្ថានភាព និងមូលហេតុដែលគាត់បដិសេធសំណើរសងប្រាក់របស់អតិថិជន។
លោកបាននិយាយថា៖ «ខ្ញុំមានអតិថិជនដំបូងរបស់ខ្ញុំកាលពីម្សិលមិញ ដែលបាននិយាយថាគាត់ចង់ទទួលបានប្រាក់សំណងលើក្រដាសជូតមាត់ ៣២ដុំ និងទឹកលាងដៃចំនួន១លីត្រ ស្នើនឹងចំនួន១៥០ដប»។
នៅពេលបង្ហាញខ្លួនលើកញ្ចក់ទូរទស្សន៍ ABC Radio Adelaide នៅប្រទេសអូស្ត្រាលី លោក Drake បានពន្យល់ថា បុរសនោះបានស្នើសុំការសងប្រាក់វិញ បន្ទាប់ពីគាត់មិនអាចលក់ផលិតផលនៅលើគណនី eBay របស់គាត់។
ស្ថានភាពនេះ កើតឡើងចំពេលដែលមនុស្សជាច្រើននៅទូទាំងពិភពលោក ដែលបាននាំគ្នាទិញរបស់ទៅស្តុកទុក ដូចជាក្រដាសជូតមាត់ និងប្រើក្នុងបង្គន់ និងទឹកលាងដៃ។ ពួកគាត់ទិញទុក ពេលកូវីដ១៩ បិទប្រទេស។
បន្ទាប់ពីមានការទិញច្រើនបែបនេះ ហាងមួយចំនួនបានដាក់បម្រាមកំណត់ចំនួនអីវ៉ាន់ដែលអតិថិជនម្នាក់អាចទិញម្តង។ តែបុរសម្នាក់នោះបានទិញ ដល់ទៅ១៥០ដង ទើបបានទឹកលាងដៃ និង ក្រដាសច្រើនបែបនេះ៕ ដកស្រង់ចេញពីវេបសាយ ៖ newsweek ប្រភពវីដេអូ ៖ Sky News Australia (កែសម្រួលដោយ ៖ បុប្ផា)
ចែករំលែកព័តមាននេះ