ប្រទេសកាតា ៖ យោងតាមរបាយការណ៍ពី AFP បានឲ្យដឹងកាលពីថ្ងៃព្រហស្បតិ៍ (១៦ មេសា) ថា ប្រទេសកាតាបានបន្តរកឃើញករណីឆ្លងវីរុសកូវីដ១៩ចំនួន៣ករណីបន្ថែមទៀត ក្នុងចំណោមកម្មករសាងសង់កីឡដ្ឋានបាល់ទាត់ត្រៀមសម្រាប់ព្រឹត្តិការណ៍…
ប្រទេសកាតា ៖ យោងតាមរបាយការណ៍ពី AFP បានឲ្យដឹងកាលពីថ្ងៃព្រហស្បតិ៍ (១៦ មេសា) ថា ប្រទេសកាតាបានបន្តរកឃើញករណីឆ្លងវីរុសកូវីដ១៩ចំនួន៣ករណីបន្ថែមទៀត ក្នុងចំណោមកម្មករសាងសង់កីឡដ្ឋានបាល់ទាត់ត្រៀមសម្រាប់ព្រឹត្តិការណ៍ World Cup 2022 ដោយនាំឲ្យចំនួននៃការឆ្លងលើកម្មករសរុបដល់៨នាក់ ។ គួររំលឹកថា រកឃើញវិជ្ជមានកូវីដ១៩លើកម្មករសង់កីឡដ្ឋានត្រៀម World Cup 2022
សូមរំលឹកជូនថា កាលពីថ្ងៃពុធ (១៥ មេសា) ប្រទេសនៅឈូងសមុទ្រមួយនេះ បានប្រកាសពីករណីឆ្លងលើកដំបូងនៃវីរុសកូវីដ១៩ លើកម្មករសាងសង់កីឡដ្ឋានចំនួន ៥ នាក់ដែលកំពូងធ្វើការលើគម្រោងកីឡដ្ឋានចំនួន ៣ ក្នុងចំណោមគម្រោងទាំង ៧ ។
ការងារសាងសង់កីឡដ្ឋាន និងហេដ្ឋារចនាសម្ព័ន្ធ ដើម្បីត្រៀមរៀបចំការប្រកួតនៅឆ្នាំ ២០២២ នៅតែបន្តដំណើរការ បើទោះបីវិហារអ៊ីស្លាមដ៏ធំ ឧទ្យានកម្សាន្ត និងភោជនីយដ្ឋានត្រូវបានបិទទ្វារក៏ដោយ ។
គិតត្រឹមថ្ងៃទី ១៧ ខែ មេសា ប្រទេសកាតាមានករណីឆ្លងវីរុសកូវីដ១៩ ចំនួន ៤,១០៣ករណី ដែលបានឆក់យកជីវិតមនុស្សសរុបចំនួន ៧ នាក់ ខណៈចំនួន ៤១៥ នាក់បានជាសះស្បើយ ។
ពេលវេលានៃការប្រកួតប្រជែងព្រឹត្តិការណ៍ World Cup 2022 ដែលនឹងចាប់ផ្តើមនៅថ្ងៃទី ខែ វិច្ឆិកា ដល់ថ្ងៃទី ១៨ ខែ ធ្នូ ឆ្នាំ ២០២២ នៅតែមិនផ្លាស់ប្តូរ បើទោះបីបច្ចុប្បន្នពិភពលោកកំពុងជួបវិវត្តិនៃវីរុសកូវីដ១៩ ដែលបានបង្ខំឲ្យមានការពន្យារពេលការប្រកួតបាល់ទាត់ ជាពិសេសកីឡាអូឡាំពិកទីក្រុងតូក្យូ ៕
ចែករំលែកព័តមាននេះ