ប្រទេសកាតា ៖ យោងតាមរបាយការណ៍ពី AFP កាលពីថ្ងៃពុធបានឲ្យដឹងថា មានករណីឆ្លងវីរុសកូវីដ១៩ ចំនួន៥នាក់ ត្រូវបានគេរកឃើញលើកម្មករសាងសង់កីឡដ្ឋានចំនួន៣ ត្រៀមសម្រាប់ការប្រកួត World…
ប្រទេសកាតា ៖ យោងតាមរបាយការណ៍ពី AFP កាលពីថ្ងៃពុធបានឲ្យដឹងថា មានករណីឆ្លងវីរុសកូវីដ១៩ ចំនួន៥នាក់ ត្រូវបានគេរកឃើញលើកម្មករសាងសង់កីឡដ្ឋានចំនួន៣ ត្រៀមសម្រាប់ការប្រកួត World Cup ដែលនេះជាករណីដំបូងត្រូវបានបញ្ជាក់ក្នុងចំណោមអ្នកពាក់ព័ន្ធនឹងគម្រោងការប្រកួតនៅឆ្នាំ ២០២២ ។
ប្រទេសឈូងសមុទ្រមួយនេះ បានរាយការណ៍ថាមានអ្នកបាត់បង់ជីវិតដោយសារវីរុសកូវីដ១៩សរុប៧នាក់ក្នុងចំណោមអ្នកឆ្លងចំនួន ៣.៧១១ ករណីក្នុងនោះអ្នកជាសះស្បើយចំនួន៤០៦នាក់ ។
អ្នករៀបចំបានបញ្ជាក់ក្នុងសេចក្តីថ្លែងការណ៍មួយទៅកាន់ AFP ថា គណៈកម្មាធិការជាន់ខ្ពស់ហៅកាត់ SC បានបញ្ជាក់ថា កម្មករ២នាក់ដែលកំពុងធ្វើការលើគម្រោងកីឡដ្ឋាន Al-Thumam ត្រូវបានរងឃើញថាឆ្លងវីរុសកូវីដ១៩ ។
បន្ថែមពីនេះកម្មករចំនួន៣នាក់ផ្សេងទៀត ដែលម្នាក់ធ្វើការលើគម្រោង កីឡដ្ឋាន Al-Rayyan និង ២ នាក់ទៀតលើគម្រោងកីឡដ្ឋាន Al-Bayt ជាអ្នកបន្ទាប់ដែលឆ្លងវីរុសនេះ ។
បច្ចុប្បន្នប្រទេសកាតាកំពុងសាងសង់ស្តាតថ្មីចំនួន៧ សម្រាប់ការប្រកួត World Cup ដែលខ្លួនទទួលបានសិទ្ធិជាម្ចាស់ផ្ទះនៅឆ្នាំ ២០២២ ខាងមុខ ។
សេចក្តីថ្លែងការណ៍បានបន្ថែមថា SC កំពុងធ្វើតាមការណែនាំរបស់ក្រសួងសុខាភិបាល ដើម្បីឆ្លើយតបទៅនឹងករណីទាំងនេះ ហើយអ្នកដែលរងផលប៉ះពាល់ទាំងអស់ នឹងបន្តទទួលបានប្រាក់ខែពេញលេញ និងការថែទាំសុខភាពដោយឥតគិតថ្លៃ ។
សូមបញ្ជាក់ថា ព្រឹត្តិការណ៍ World Cup 2022 នឹងចាប់ផ្តើមនៅថ្ងៃទី ២១ ខែ វិច្ឆិកា រហូតដល់ថ្ងៃទី ១៨ ខែ ធ្នូ ដោយមានប្រទេសចំនួន ៣២ នឹងធ្វើការប្រកួតប្រជែងគ្នាដណ្តើមជើងឯក ៕
ចែករំលែកព័តមាននេះ