រាជធានីភ្នំពេញ ៖ ទីតាំងផឹកស៊ី ចាក់ធុងបាស់ បង្កសំឡេងរំខានជាច្រើនកន្លែង ត្រូវបានសមត្ថកិច្ចខណ្ឌ និងប៉ុស្តិ៍ចុះបញ្ឈប់ ហើយធ្វើការណែនាំអប់រំ ដោយអនុវត្តតាមការណែនាំជាប្រចាំរបស់លោក ស…
រាជធានីភ្នំពេញ ៖ ទីតាំងផឹកស៊ី ចាក់ធុងបាស់ បង្កសំឡេងរំខានជាច្រើនកន្លែង ត្រូវបានសមត្ថកិច្ចខណ្ឌ និងប៉ុស្តិ៍ចុះបញ្ឈប់ ហើយធ្វើការណែនាំអប់រំ ដោយអនុវត្តតាមការណែនាំជាប្រចាំរបស់លោក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ។ នេះបើយោងតាមផេកស្នងការដ្ឋាននគរបាលរាជធានីភ្នំពេញ ចេញផ្សាយនៅថ្ងៃទី១៥ ខែមេសា ឆ្នាំ២០២០ ។
ចំណែកប្រទេសថៃវិញក៏ដូចពប្រទេសកម្ពុជាយើងដែរ គឺហាមការជួបជុំផឹកស៊ី និងមនុស្សនៅផ្តុំគ្នាច្រើនផងដែរ បើមិនចាំបាច់ កុំចេញក្រៅផ្ទះ ។
ទោះជាមានការផ្សព្វផ្សាយជាប្រចាំនៅលើផេកស្នងការដ្ឋាននគរបាលរាជធានីភ្នំពេញក៏ដូចជាការចុះអនុវត្តជារៀងរាល់យប់ ដើម្បីបញ្ឈប់ និងណែនាំ អប់រំ រាល់សកម្មភាពផឹកស៊ី ចាក់ធុងបាស់ ច្រៀងឡូឡា បង្កសំឡេងរំខានដែលមិនអាចឲ្យអ្នកជិតខាងសម្រាកបាន យ៉ាងណាក៏ដោយក៏នៅតែមានប្រជាពលរដ្ឋមួយចំនួនតូចនៅតែបង្កបញ្ហានេះ ។
សូមបងប្អូនប្រជាពលរដ្ឋមួយចំនួនតូចត្រូវចេះគោរពសិទ្ធិអ្នកដ៏ទៃក៏ដូចជា ការចូលរួមស្តាប់តាមការណែនាំរបស់ក្រសួងសុខាភិបាល ក្នុងការកាត់បន្ថយការជួបជុំផឹកស៊ីសប្បាយ ដើម្បីសហការគ្នាក្នុងការបង្ការ និងទប់ស្កាត់ការឆ្លងដាលវីរុសកូវីដ ១៩ ។
បញ្ជាក់ ៖ កាលពីថ្ងៃទី១៤ ខែមេសា ឆ្នាំ២០២០ សមត្ថកិច្ចថៃបានដេញតាមចាប់ពលករខ្មែរប្រុស-ស្រីចំនួន១៧នាក់ បន្ទាប់ពីពលករខ្មែរទាំងអស់នោះបាននាំគ្នាប្រជុំផឹកស៊ី ស្រែកឡូឡានៅមុខបន្ទប់ស្នាក់នៅតែម្តង ដោយបានបំពានសេចក្ដីប្រកាសរបស់រាជរដ្ឋាភិបាលថៃ បង្កឱ្យមានការភ្ញាក់ផ្អើលកាលពីម៉ោង៥ល្ងាច ថ្ងៃទី១៤ ខែមេសា ស្ថិតក្នុងភូមិ១២ ឃុំខ្លងលួង ស្រុក ខ្លងលួង ខេត្តប៉ាធុមថានី ប្រទេសថៃ ៕
ចែករំលែកព័តមាននេះ