ខេត្តសៀមរាប ៖ ខណៈអ្នកជិះម៉ូតូកំពុងបត់ឆ្វេង ស្របពេលរថយន្តបោះពួយក្នុងល្បឿនយ៉ាងលឿននោះ ជ្រុលទៅបុកពេញទំហឹង បណ្តាលឱ្យភាគីខាងម៉ូតូបាត់បង់ជីវិតភ្លាមៗ ។ ហេតុការណ៍ កើតឡើងកាលពីវេលាម៉ោង០៥ និង២០នាទីល្ងាចថ្ងៃទី១៥…
ខេត្តសៀមរាប ៖ ខណៈអ្នកជិះម៉ូតូកំពុងបត់ឆ្វេង ស្របពេលរថយន្តបោះពួយក្នុងល្បឿនយ៉ាងលឿននោះ ជ្រុលទៅបុកពេញទំហឹង បណ្តាលឱ្យភាគីខាងម៉ូតូបាត់បង់ជីវិតភ្លាមៗ ។ ហេតុការណ៍ កើតឡើងកាលពីវេលាម៉ោង០៥ និង២០នាទីល្ងាចថ្ងៃទី១៥ មេសា ស្ថិតផ្លូវជាតិលេខ៦ ត្រង់ចំណុចបង្គោលគីឡូម៉ែត្រលេខ៣៣៣ -៣៣៤ ភូមិគោកស្រម៉ ឃុំល្វា ស្រុកពួក ខេត្តសៀមរាប ។ ទំនិងគិតថា ផ្លូវស្ងាត់បត់យកតែម្តង ។
លោកវរសេនីយ៍ឯក ទេព ពុំសែន អធិការនគរបាលស្រុកពួកបានឱ្យដឹងថា ករណីគ្រោះថ្នាក់ចរាចរណ៍ ខាងលើ ខាងរថយន្តម៉ាកមីស៊ុយមីស៊ីម៉ុងត្រូ ពណ៌ត្រេអុី ពាក់ផ្លាកលេខភ្នំពេញ2L-0917 បើកបរដោយឈ្មោះស៊ឺ ប៊ុនវែង ភេទប្រុស អាយុ៣៥ឆ្នាំ នៅភូមិសសរស្តម្ភ ឃុំសសរស្តម្ភ ស្រុកពួក ខេត្តសៀមរាប ។បើកបរទិសដៅពីលិច ។ ឯខាងម៉ូតូពាក់ផ្លាកលេខ ភ្នំពេញ1k.0911 ធ្វើដំណើរទៅកើត ដែលជិះមានឈ្មោះគួន គង្គា ភេទប្រុស អាយុ២៩ឆ្នាំ នៅភូមិគោកស្រម៉ ឃុំល្វា ស្រុកពួក ខេត្តសៀមរាប ។ លោក
លោកបន្តថា ចំពោះមូលហេតុ គឺខាងម៉ូតូកំពុងបត់ឆ្វេងតែខ្វះការប្រុងប្រយ័ត្ន ក័ត្រូវរថយន្តបើកបរក្នុងល្បឿនលឿនមកដល់ភ្លាម ។ ក្រោយពេលកើតហេតុ កម្លាំងផ្នែកនគរបាលជំនាញនៃអធិការនគរបាលស្រុកពួក បានចុះវាស់វែងកន្លែងកើតហេតុ ។
បច្ចុប្បន្ន កម្លាំងជំនាញបានធ្វើការប្រគល់សព ជូនដល់ក្រុមគ្រួសារយកទៅធ្វើបុណ្យតាមប្រពៃណី និងធ្វើការឃាត់ខ្លួនអ្នកបើកបររថយន្ត ព្រមទាំងប្រមូលវត្ថុតាងមកកាន់អធិការនគរបាលស្រុកពួក ។ ដូច្នេះ បងប្អូនជាអ្នកដំណើរ គួរតែមានការប្រុងប្រយ័ត្នឱ្យបានខ្ពស់បំផុត ព្រោះគ្រោះថ្នាក់អាចកើតឡើងបានគ្រប់ពេល ពិសេសពេលដែលយើងអត់ប្រយ័ត្ន ។
ចែករំលែកព័តមាននេះ