លោក Zeke Emanuel ប្រធាននាយកដ្ឋានក្រមសីលធម៌វេជ្ជសាស្ត្រ និងគោលនយោបាយសុខភាពនៃសាកលវិទ្យាល័យ Pennsylvania និងជាទីប្រឹក្សាអង្គការសុខភាពពិភពលោក (WHO) បានធ្វើការព្រមានថា ព្រឹត្តិការណ៍នានា ជាពិសេសកីឡាដែលពាក់ព័ន្ធនឹងការប្រមូលផ្តុំមនុស្សច្រើន ប្រហែលជាមិនអាចកើតឡើងបានទេ រហូតដល់ឆ្នាំ ២០២១ ។
កីឡានៅទូទាំងពិភពលោករួមទាំងអូឡាំពិក យូរ៉ូ ២០២០ ត្រូវបានផ្អាក ឬពន្យារពេលដោយសារការឆ្លងរាលដាលនៃវីរុសកូវីដ១៩ ។ វាបានជះឥទិ្ធពលយ៉ាងខ្លាំងដល់សេដ្ឋកិច្ច ជាពិសេសការខាតបង់ប្រាក់យ៉ាងសន្ធឹកសន្ធាប់ អំឡុងពេលនៃវិបត្តិពិភពលោកនេះ ។
មានប្រសាសន៍ទៅកាន់ New York Times លោក Zeke Emanuel បានឱ្យដឹងថា «ការជួបជុំធំ ៗ ការធ្វើសន្និសីទ ការប្រគំតន្ត្រី ព្រឹត្តិការណ៍កីឡា នៅពេលដែលមនុស្សនិយាយថា ពួកគេនឹងរៀបចំកម្មវិធីទាំងអស់នេះឡើងវិញ ឬបញ្ចប់ត្រឹមខែតុលាឆ្នាំ ២០២០ ខ្ញុំមិនយល់ថាហេតុអ្វីពួកគេគិតថា ជាលទ្ធភាពដែលអាចជឿទុកចិត្តបានក្នុងការសម្រេចចិត្តធ្វើរឿងនេះ»។
«ខ្ញុំគិតថារឿងអស់ទាំងនោះ នឹងត្រូវពន្យាររយៈពេលយូរ ។ ក្នុងដំណាក់កាលដំបូងបំផុត យើងអាចនិយាយបានថា វានឹងអាចត្រឡប់មកវិញនៅដើមឆ្នាំ ២០២១» ៕ (ដកស្រង់ចេញពី Marca)
ចែករំលែកព័តមាននេះ