ទន្ទឹមបើកច្រកចេញ-ចូលវិញ តើសភាពការណ៍នៅព្រំដែនអូរយ៉ាដាវបែបណា?
- រតនគិរី
ខេត្តរតនគិរី ៖ បានសង្កេតឃើញថា សកម្មភាពអ្នកដំណើរឆ្លងកាត់នៅព្រំដែនអូរយ៉ាដាវ គឺមានសភាពស្ងប់ស្ងាត់នៅឡើយ នៅព្រឹកថ្ងៃទី១៦ មេសា នេះ ។ ប៉ុន្តែ…
ខេត្តរតនគិរី ៖ បានសង្កេតឃើញថា សកម្មភាពអ្នកដំណើរឆ្លងកាត់នៅព្រំដែនអូរយ៉ាដាវ គឺមានសភាពស្ងប់ស្ងាត់នៅឡើយ នៅព្រឹកថ្ងៃទី១៦ មេសា នេះ ។ ប៉ុន្តែ…
ខេត្តរតនគិរី ៖ បានសង្កេតឃើញថា សកម្មភាពអ្នកដំណើរឆ្លងកាត់នៅព្រំដែនអូរយ៉ាដាវ គឺមានសភាពស្ងប់ស្ងាត់នៅឡើយ នៅព្រឹកថ្ងៃទី១៦ មេសា នេះ ។ ប៉ុន្តែ ការផ្លាស់ប្ដូរទំនិញរបស់បងប្អូននៅតំបន់ស ក៏ឃើញដំណើរការធម្មតាទេ ។ នេះយោងតាមផេករបស់អគ្គនាយកដ្ឋានអន្តោប្រវសេសន៍ ។
យោងប្រភពខាងលើឱ្យដឹងទៀតថា កាលពីវេលា០៧ និង៤៥នាទីព្រឹកថ្ងៃដដែល លោកឧត្ដមសេនីយ៍ទោ ស៊ុំ វិសេស អនុប្រធាននាយកដ្ឋានច្រកទ្វារទី២ និងលោកវរសេនីយ៍ឯក ខឹម ចិត្ត្រា នាយប៉ុស្តិ៍ បានអញ្ជើញត្រួតពិនិត្យគ្រប់គោលដៅ និងក្ដាប់សភាពការណ៍ទូទៅនៅប៉ុស្តិ៍នគរបាលច្រកទ្វារព្រំដែនអន្តរជាតិអូរយ៉ាដាវ ខេត្តរតនៈគិរី ។
ដូច្នេះ បញ្ជាក់ថា នៅមិនទាន់មានបងប្អូនចេញដំណើរពីស្រុកភូមិរបស់ខ្លួននោះទេ ទន្ទឹមនឹងការបើកផ្លូវចេញចូលឡើងវិញ ដែលផ្តើុមពីព្រឹកថ្ងៃដដែលនេះ ដែលរាជរដ្ឋាភិបាលកម្ពុជាចេញសេចក្តីសម្រេចស្តីពីការបញ្ចប់សុពលភាពបទបញ្ជាលេខ០២ ប.ប ចុះថ្ងៃទី០៩ មេសា ឆ្នាំ២០២០ ស្តីពីការដាក់កំហិតលើការធ្វើដំណើរក្នុងប្រទេសក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ១៩ ។
ចែករំលែកព័តមាននេះ