ខេត្តកោះកុង ៖ មានសេចក្តីរាយការណ៍បឋមមកថា បុរសខ្មែរម្នាក់ត្រូវដឹងថា គាត់បានរត់ចេញពីទឹកថៃ តាមច្រកត្រាតចូលមកកម្ពុជា នៅវេលាជាង១១ព្រឹកថ្ងៃទី១៥ មេសា នេះ ហើយត្រូវបានកងកម្លាំងសមត្ថកិច្ចនគរបាលស្រុកមណ្ឌលសីមា…
ខេត្តកោះកុង ៖ មានសេចក្តីរាយការណ៍បឋមមកថា បុរសខ្មែរម្នាក់ត្រូវដឹងថា គាត់បានរត់ចេញពីទឹកថៃ តាមច្រកត្រាតចូលមកកម្ពុជា នៅវេលាជាង១១ព្រឹកថ្ងៃទី១៥ មេសា នេះ ហើយត្រូវបានកងកម្លាំងសមត្ថកិច្ចនគរបាលស្រុកមណ្ឌលសីមា សហការជាមួយកម្លាំងស្នងការដ្ឋាននគរបាលខេត្ត បាននាំយកមករក្សាទុក និងជួយដោះខ្នោះដៃចេញដើម្បីសាកសួរបន្ត ។
ប្រភបបន្តថា បុរសខាងលើមានឈ្មោះរស់ រឿន អាយុ៣៤ឆ្នាំ ជាជនជាតិខ្មែរ សញ្ជាតិខ្មែរ មានស្រុកកំណើតនៅភូមិតាំងគោក ឃុំតាំងគោក ស្រុកតាំងគោក ខេត្តកំពង់ធំ ។ តែលំនៅបច្ចុប្បន្ន នៅក្នុងភូមិព្រៃស្វា ឃុំជ្រៃឃ្មុំ ស្រុកស៊ីធរកណ្ដាល ខេត្តព្រៃវែង ។
កម្លាំងសមត្ថកិច្ចនគរបាលខេត្តកោះកុង បានទាក់ទងទៅអាជ្ញាធរមានសមត្ថកិច្ចនគរបាលថៃ ខេត្តត្រាត
ដើម្បីដឹងពីព័ត៌មានបន្ថែមលើបុរសរូបនេះ បានរត់រួចចេញពីទឹកដីថៃទាំងដៃជាប់ខ្នោះ តើមានបញ្ហាអ្វី?
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ