ប្រធានសហព័ន្ធបាល់ទាត់ថៃបង្ហើបពេលវេលាវិលត្រឡប់របស់លីគកំពូលថៃ
ប្រធានសហព័ន្ធកីឡាបាល់ទាត់ថៃ (FAT) បាននិយាយកាលពីថ្ងៃអង្គារថា លីគកំពូលទាំង២របស់ប្រទេស នឹងចាប់ផ្តើមឡើងវិញនៅខែកញ្ញាខាងមុខនេះ ។ លោក Somyot Poompunmuang ប្រធាន…
ប្រធានសហព័ន្ធកីឡាបាល់ទាត់ថៃ (FAT) បាននិយាយកាលពីថ្ងៃអង្គារថា លីគកំពូលទាំង២របស់ប្រទេស នឹងចាប់ផ្តើមឡើងវិញនៅខែកញ្ញាខាងមុខនេះ ។ លោក Somyot Poompunmuang ប្រធាន…
ប្រធានសហព័ន្ធកីឡាបាល់ទាត់ថៃ (FAT) បាននិយាយកាលពីថ្ងៃអង្គារថា លីគកំពូលទាំង២របស់ប្រទេស នឹងចាប់ផ្តើមឡើងវិញនៅខែកញ្ញាខាងមុខនេះ ។
លោក Somyot Poompunmuang ប្រធាន FAT បានបញ្ជាក់ប្រាប់ក្រុមអ្នកយកព័ត៌មានថា ការផ្លាស់ប្តូរនេះត្រូវបានយល់ព្រមជាឯកច្ឆន្ទដោយមន្ត្រី FAT និងអ្នកតំណាងក្លិប Thai League 1 និង Thai League 2 នៅក្នុងកិច្ចប្រជុំកាលពីថ្ងៃអង្គារ ។
លោក Somyot បានបញ្ជាក់ឲ្យដឹងថា «ប្រសិនបើស្ថានភាពកូវីដ១៩ មិនអាក្រក់ នោះលីគគួរតែអាចចាប់ផ្តើមឡើងវិញនៅខែកញ្ញា និងបញ្ចប់នៅខែឧសភាឆ្នាំ ២០២១ ។ ការប្រកួតដណ្តើមពានរង្វាន់នឹងត្រូវបានរៀបចំឡើងដូចធម្មតា តាមរូបមន្តដែលមានស្រាប់» ។
យោងតាមសម្តីលោក Somyot ក្លិបនៅ Thai League 1 និង Thai League 2 ត្រូវបានអនុញ្ញាតឱ្យកាត់បន្ថយប្រាក់ខែកីឡាកររបស់ពួកគេរហូតដល់ ៥០% អំឡុងពេលជួយវិបតិ្តនេះ ។
ក្នុងនោះលោកក៏បានបញ្ជាក់ថា សម្រាប់កិច្ចប្រជុំមួយដែលលើកយកបញ្ហារបស់ Thai League 3 និង Thai League 4 នឹងត្រូវធ្វើឡើងនៅពេលក្រោយ ៕ (ដកស្រង់ចេញពី Bangkok Post)
ចែករំលែកព័តមាននេះ