កីឡាករវ័យក្មេង Matty Longstaff របស់ក្លិប Newcastle United បានសន្យាថានឹងបរិច្ចាគប្រាក់ឈ្នួល៣០%របស់ខ្លួនដល់មូលនិធិ NHS របស់ក្លិប បើទោះបីជាខ្សែបម្រើរូបនេះរកចំណូលបានត្រឹមតែ…
កីឡាករវ័យក្មេង Matty Longstaff របស់ក្លិប Newcastle United បានសន្យាថានឹងបរិច្ចាគប្រាក់ឈ្នួល៣០%របស់ខ្លួនដល់មូលនិធិ NHS របស់ក្លិប បើទោះបីជាខ្សែបម្រើរូបនេះរកចំណូលបានត្រឹមតែ ៨៥០ផោនក្នុងមួយសប្តាហ៍ក៏ដោយ ។
កីឡាករវ័យ២០ឆ្នាំដែលមិនទាន់បានបន្តកុងត្រាថ្មីលើទឹកដី St James ‘Park គឺជាកីឡាកររកប្រាក់ចំណូលបានទាបជាងគេបំផុតនៅក្របខ័ណ្ឌ Premier League ។
នេះជារឿងគួរកោតសរសើរចំពោះ Matty Longstaff ដែលហ៊ានលះបង់ប្រាក់ចំណូលរបស់ខ្លួនបើទោះមានចំនួនតិចតួចក្តី ដើម្បីជួយដល់បុគ្គលិក NHS កំពុងប្រយុទ្ធប្រឆាំងនឹងការរីករាលដាលនៃវីរុសកូវីដ១៩ ក្នុងប្រទេសអង់គ្លេស ខណៈដែលកីឡាករមានប្រាក់ឈ្នួលខ្ពស់មួយចំនួន បានបដិសេធសំណើកាត់ប្រាក់ខែពីក្លិប ។
កាលពីសប្តាហ៍មុនលេខាធិការសុខភាពជាតិលោក Matt Hancock បានជម្រុញឲ្យកីឡាករបាល់ទាត់ទាំងអស់ចូលរួមវិភាគទានដល់ NHS អំឡុងពេលយុទ្ធនាការនេះ ខណៈក្របខ័ណ្ឌ Premier League បានស្នើឱ្យកាត់បន្ថយប្រាក់ឈ្នួល៣០% សម្រាប់កីឡាករទាំងអស់ ៕ (ដកស្រង់ចេញពី talkSPORT)
ចែករំលែកព័តមាននេះ