ធនាគារឯកទេសវីង (ខេមបូឌា) លីមីតធីតនិង ស្មាយិ៍សប ដែលជាផ្សារអនឡាញឈានមុខគេដូច Amazon បានកំពុងចាប់ដៃគ្នាដើម្បីធានាថា រាល់អតិថិជននៅក្នុងប្រទេសកម្ពុជាអាចទិញផលិតផលផ្សេងៗបានដោយងាយស្រួលតាមរយៈកម្មវិធីស្មាតហ្វូនវីង ខណៈពេលដែលកំពុងនៅផ្ទះក្នុងកំឡុងពេលនៃការរាតត្បាតនៃមេរោគកូវីដ១៩ ។…
ធនាគារឯកទេសវីង (ខេមបូឌា) លីមីតធីតនិង ស្មាយិ៍សប ដែលជាផ្សារអនឡាញឈានមុខគេដូច Amazon បានកំពុងចាប់ដៃគ្នាដើម្បីធានាថា រាល់អតិថិជននៅក្នុងប្រទេសកម្ពុជាអាចទិញផលិតផលផ្សេងៗបានដោយងាយស្រួលតាមរយៈកម្មវិធីស្មាតហ្វូនវីង ខណៈពេលដែលកំពុងនៅផ្ទះក្នុងកំឡុងពេលនៃការរាតត្បាតនៃមេរោគកូវីដ១៩ ។
តាមរយៈភាពជាដៃគូនេះ អតិថិជនអាចធ្វើការបញ្ជាទិញទំនិញពីស្មាយិ៍សប នៅក្នុងកម្មវិធីស្មាតហ្វូនវីង ដោយគ្រាន់តែប្រើចុងម្រាមដៃចុចពីរទៅបីដងលើទូរស័ព្ទវៃឆ្លាតតែប៉ុណ្ណោះ ។ ទំនិញដែលទិញហើយនឹងត្រូវបានដឹកជញ្ជូនមកដល់មាត់ទ្វារដោយផ្ទាល់ ។
លោក ម៉ានូ រ៉ាចាន់ អគ្គនាយកនៃធនាគារឯកទេសវីង បានមានប្រសាសន៍ថា៖ «យើងជឿជាក់ថា ភាពជាដៃគូនេះនឹងអាចឲ្យប្រជាជនកម្ពុជាទិញទំនិញតាមអនឡាញបានដោយងាយស្រួលតាមរយៈកម្មវិធីស្មានហ្វូនវីង ។ ភាពជាដៃគូនេះ អនុញ្ញាតឱ្យអ្នករាល់គ្នាទិញទំនិញពី ស្មាយិ៍សប ដោយមិនមានការព្រួយបារម្ភអ្វីទាំងអស់ជាមួយកម្មវិធីស្មានហ្វូនវីង ប្រកបដោយភាពងាយស្រួល មានការធានា និងឆាប់រហ័សដោយប្រើប្រាស់ប្រព័ន្ធការទូទាត់ប្រាក់របស់វីង ។ អតិថិជនមិនចាំបាច់ទៅហាងដោយផ្ទាល់ និងប្រើក្រដាស់ប្រាក់ដើម្បីទិញទំនិញក្នុងកំឡុងពេលមានការរាតត្បាតនៃជំងឺនេះឡើយ» ។
ស្មាយិ៍សប ត្រូវបានបើកដំណើរការនៅក្នុងប្រទេសកម្ពុជាក្នុងខែតុលា ឆ្នាំ២០១៨ ដោយយកតាមលំនាំផ្សារអនឡាញរបស់ Amazon និង AliExpress ។ ត្រឹមតែ២ឆ្នាំប៉ុណ្ណោះ ស្មាយិ៍សប បានក្លាយជាហាងលក់ទំនិញតាមអនឡាញដែលមានលក់ផលិតផលគ្រប់ប្រភេទរាប់ចាប់ពីគ្រឿងទេស គ្រឿងសម្អាងរហូតដល់សៀវភៅ ឧបករណ៍ប្រើប្រាស់ក្នុងផ្ទះ និងគ្រឿងអេឡិចត្រូនិចជាច្រើនផ្សេងទៀត ។ ស្មាយិ៍សប ចាប់ផ្តើមដំណើរការនៅក្នុងកម្មវិធីស្មាតហ្វូនវីង នៅខែមីនា ឆ្នាំ២០២០ ដើម្បីធ្វើឱ្យអតិថិជនវីងកាន់តែងាយស្រួលក្នុងការបញ្ជាទិញទំនិញដោយប្រើ គណនីយរបស់វីង ។
ការទិញទំនិញតាមរយៈកម្មវិធីស្មាតហ្វូនវីង គឺងាយៗហើយមិនគិតតម្លៃបន្ថែមនោះឡើយ ។ អតិថិជនទាំងអស់អាចចូលទៅក្នុងកម្មវិធីស្មាតហ្វូនវីង ហើយគ្រាន់តែចុចលើ “Online Shop” បន្ទាប់មកជ្រើសរើសពាក្យ “Smile Shop” នោះ អតិថិជននឹងអាចស្វែងរកផលិតផលជាង ១០០០មុខ ហើយអាចធ្វើការបញ្ជាទិញបានភ្លាមៗ ។ រាល់អតិថិជនដែលប្រើកម្មវិធីស្មានហ្វូនវីង អាចទទួលបានការផ្តល់ជូនពិសេសៗជាច្រើន ក៏ដូចជាការដឹកជញ្ជូនដោយឥតគិតថ្លៃសម្រាប់ការបញ្ជាទិញលើសពី ២០ដុល្លារប៉ុណ្ណោះ ។
លោក Jack Lee នាយកប្រតិបត្តិនៃ ស្មាយិ៍សប បានមានប្រសាសន៍ថា៖ «យើងមានសេចក្តីសោមនស្សរីករាយជាទីបំផុតដែលវីងនិង ស្មាយិ៍សប បានចាប់ដៃសហការនាពេលនេះ ។ វាជាពេលវេលាដ៏សមស្របជាទីបំផុត ខណៈពេលដែលផ្សារអនឡាញ និងមធ្យោបាយទូទាត់សាច់ប្រាក់តាមបែបឌីជីថលកំពុងតែពេញនិយមនៅក្នុងប្រទេសកម្ពុជា ។ ជាមួយគ្នានេះដែរ យើងបានផ្តល់ជូនប្រជាជនកម្ពុជានូវជម្រើសកាន់តែច្រើនសម្រាប់ការបញ្ជាទិញទំនិញ» ។
វីង និង ស្មាយិ៍សប មានចក្ខុវិស័យក្នុងការប្រើប្រាស់បច្ចេកវិទ្យាថ្មីៗ ដើម្បីលើកកម្ពស់ជីវភាពរស់នៅប្រចាំថ្ងៃរបស់ប្រជាជនកម្ពុជា ។ វីង បានកសាងយីហោរបស់ខ្លួនក្លាយជាសេវាទូទាត់ប្រាក់យ៉ាងរហ័ស ងាយស្រួល និងមានការធានា តាមរយៈកម្មវីធីស្មាហ្វូនវីងដ៏ទំនើប និងបណ្តាញភ្នាក់ងារវីងរបស់ខ្លួនទូទាំងប្រទេស ។
ចំណែកឯ ស្មាយិ៍សប វិញ ត្រូវបានគេទទួលស្គាល់ជាអ្នកផ្គត់ផ្គង់ផលិតផលប្រកបដោយគុណភាពខ្ពស់ និងមានសេវាដឹកជញ្ជូនយ៉ាងឆាប់រហ័ស ។ ក្រុមហ៊ុនផ្នែកឌីជីថលទាំងពីរនេះ នឹងរួមគ្នានាំមកនូវអនាគតនៃការធ្វើពាណិជ្ជកម្មអនឡាញមកប្រទេសកម្ពុជា ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ