សម្តីប៉ុន្មានម៉ាត់របស់តារាស្រីថៃមួយដួងបង្កជាជម្លោះបែកផ្សែងរវាងអ្នកជាតិនិយមថៃនិងចិន បរទេស៖ ថ្មីៗនេះតារាម៉ូដែលល្បីឈ្មោះរបស់ថៃគឺនាង Weeraya Sukaram បានធ្វើការអត្ថាធិប្បាយមួយអំពីមេរោគវីរុសកូវីដ-១៩ តែអ្វីដែលនឹកស្មានមិនដល់នោះគឺការអត្ថាធិ ប្បាយរបស់នាងបង្កឱ្យមានសង្គ្រាមលើបណ្តាញសង្គម Twitter រវាងជនជាតិថៃ និងជាតិនិយមចិន ។

អ្នកលេងតាមបណ្តាញផ្សព្វផ្សាយសង្គមដែលមានការខឹងសម្បារ ដែលភាគច្រើនគឺចេញពីក្រុមអ្នកជាតិនិយមចិន ចំពោះការធ្វើអត្ថាធិប្បាយរបស់ម៉ូដែលស្រស់ស្អាតខាងលើដែលបានសរសេរលើ Twitter របស់ថៃ បានបង្កើតជាព្យុះមួយក្នុងតំបន់ដែលធ្វើឱ្យសកម្មជនគាំទ្រលទ្ធិប្រជាធិបតេយ្យរួបរួម ធ្វើសង្គ្រាមតាមអ៊ិនធឺរណែតជាមួយនឹងអ្នកគាំទ្រដោយក្រុងប៉េកាំង ដោយមានការជេរប្រមាថគ្នាយ៉ាងខ្លាំងក្លា ។ នេះបើតាមការចុះផ្សាយរបស់ South China Morning Post ។

ការឈ្លោះប្រកែកគ្នាដែលបានឃើញអ្នកប្រើប្រាស់អ៊ីនធ័រណេតនៅអាស៊ីអាគ្នេយ៍ចូលរួមជាមួយប្រជាជននៅតៃវ៉ាន់ និងហុងកុង បានបង្ហាញអំពីភាពតានតឹងកន្លងមករវាងចិននិងប្រទេសជិតខាងតូចៗពាក់ព័ន្ធនឹងការលេចចេញវីរុសកូវីដ-១៩ ថ្មីនេះ។ ក្រុមអ្នកវិភាគនិងសកម្មជននយោបាយបាននិយាយថាលើប្រព័ន្ធអ៊ិនធឺរណែតដែលបានចាប់ផ្តើមនៅចុងសប្តាហ៍គឺមានលក្ខណៈពិសេសទាំងបរិមាណនិងការរីករាលដាលក្នុងតំបន់នៅពេលដែលជីវិតកាន់តែច្រើនត្រូវបានបង្ខំតាមអ៊ិនធរណេត។

លោក Prajak Kongkirati មកពីសាកលវិទ្យាល័យ Thammasat នៅទីក្រុងបាងកកបាននិយាយថា «នេះជាសង្រ្គាមភូមិសាស្ត្រនយោបាយលើបណ្តាញ Twitter របស់ប្រទេសថៃដំបូងគេបង្អស់ដែលប្រជាជនថៃបានចូលរួម។ យើងឃើញមនុស្សសួរសំណួរអំពីឥរិយាបទនិងឥទ្ធិពលរបស់ចិន»។

ចំណែក hashtags (#) ផ្សេងទៀតដែលទាក់ទងលើរឿងនេះ បានបង្កើតឲ្យមានការជជែកលើ Twitter ជាងពីរលានធ្វីត និងមានការចាប់អារម្មណ៍ទូទាំងពិភពលោក។ ទំព័រហ្វេសប៊ុកសម្រាប់អ្នកមាន hashtag សំខាន់គឺ #Nnevvy ដែលមានអ្នក followers លើហ្វេសប៊ុកជាង ៦៣,០០០ នាក់។

សូមបញ្ជាក់ថា #Nnevvy គឺជាអ្នកលេងប្រព័ន្ធផ្សព្វផ្សាយសង្គមនិងជារបស់ម៉ូឌែល ឈ្មោះ Weeraya Sukaram ហើយជម្លោះបានចាប់ផ្តើមបន្ទាប់ពីនាងត្រូវបានគេចោទប្រកាន់ថាបានចែករំលែកសារនៅលើបណ្តាញសង្គមថៃដោយសួរថាតើ «មេរោគឆ្លង មានប្រភពដើមនៅក្នុងមន្ទីរពិសោធន៍ចិន»។ អ្នកលេងអ៊ីនធឺណេតចិនដែលខឹងសម្បារបន្ទាប់មកបាននិយាយថានារីម៉ូដែលនេះក៏ធ្លាប់បានលើកឡើងនៅក្នុងការបង្ហោះនៅលើបណ្តាញ Instagram ថាកោះតៃវ៉ាន់មិនមែនជាផ្នែករបស់ចិនទេ។ ទីក្រុងប៉េកាំងនិយាយថាកោះតៃវ៉ាន់ គឺជាផ្នែកមួយដែលមិនអាចបំបែកបាននៃទឹកដីចិន ។

យ៉ាងណាមិញ នាង Weeraya មិនបានឆ្លើយតបទៅនឹងសំណើសុំការអត្ថាធិប្បាយទេហើយសារទាំងពីរមិនអាចមើលឃើញនៅលើគណនីរបស់នាងទេទៀត ។ ការដុតបញ្ឆេះបន្ថែមទៀតគណនីចិនបន្ទាប់មកបានចោទប្រកាន់មិត្តប្រុសរបស់នាងគឺលោក Vachirawat Cheevaari ថាបានចុច «សារចូលចិត្ត» មួយ ដែលបានកំណត់ថាហុងកុងជាប្រទេសមួយហើយជាថ្មីម្តងទៀតថាវាមិនមែនជាទឹកដីក្រុងប៉េកាំង ៕