សហរដ្ឋអាមេរិក ៖ ប្រធានផ្នែកវះកាត់នៃមន្ទីរពេទ្យទីក្រុងញូវយ៉កនិយាយថា អ្នកជម្ងឺកាន់តែច្រើនបានចាកចេញពីមន្ទីរពេទ្យ ច្រើនជាងអ្នកដែលត្រូវគេបញ្ជូនមកមន្ទីរពេទ្យ។ វេជ្ជបណ្ឌិត Craig Smith នៃមជ្ឈមណ្ឌលវេជ្ជសាស្ត្រ Irving…
សហរដ្ឋអាមេរិក ៖ ប្រធានផ្នែកវះកាត់នៃមន្ទីរពេទ្យទីក្រុងញូវយ៉កនិយាយថា អ្នកជម្ងឺកាន់តែច្រើនបានចាកចេញពីមន្ទីរពេទ្យ ច្រើនជាងអ្នកដែលត្រូវគេបញ្ជូនមកមន្ទីរពេទ្យ។ វេជ្ជបណ្ឌិត Craig Smith នៃមជ្ឈមណ្ឌលវេជ្ជសាស្ត្រ Irving នៃសាកលវិទ្យាល័យ New York-Presbyterian/Columbia បាននិយាយផងដែរថា ចំនួនអ្នកជម្ងឺ នៅក្នុងអង្គភាពថែទាំ ដែលពឹងផ្អែកខ្លាំងនិងលើបំពង់ខ្យល់ បានចេញពីមន្ទីរពេទ្យច្រើន ខណៈដែលករណីចូលថ្មីមានការថយចុះ។
លោកវេជ្ជបណ្ឌិត បានសរសេរសេចក្តីលម្អិតទាំងនេះ នៅក្នុងកំណត់សំគាល់ប្រចាំថ្ងៃទៅកាន់សាស្ត្រាចារ្យនិងបុគ្គលិក។ លោកសរសេរថា៖ «និន្នាការទាំងនេះគាំទ្រដល់គំរូរបស់យើងឆ្ពោះទៅរកការស្តារភាពប្រក្រតីឡើងវិញ»។
លោកបានបន្តថា៖ «យើងមានគំនិតតិចតួចណាស់ ថាហេតុអ្វីបានជាកូវីដ១៩ មានសភាពសាហាវនិងធន់នឹងការព្យាបាលចំពោះអ្នកជម្ងឺមួយចំនួន។ ការធ្វើកោសល្យវិច័យលើមរណភាពកូវីដ មានប្រូបាប៊ីលីតេខ្ពស់ក្នុងការរួមចំណែកដល់ការជឿនលឿននៃវិទ្យាសាស្ត្រវេជ្ជសាស្ត្រ»។
គួរបញ្ជាក់ផងដែរថា ចំនួនករណីឆ្លងសរុបនៅសហរដ្ឋអាមេរិកនាព្រឹកនេះមានចំនួន ៦១៣,៨៨៦ករណី ខណៈដែលចំនួនករណីស្លាប់សរុបមាន ២៦,០៤៧ករណី និងករណីជាសរុបមានចំនួន ៣៨,៨២០ករណី៕ (យោងតាមប្រភពពី edition.cnn.com)
ចែករំលែកព័តមាននេះ