រាជធានីភ្នំពេញ ៖ បើទោះបីជាពិធីបុណ្យចូលឆ្នាំខ្មែរនៅឆ្នាំនេះ ប្រជាពលរដ្ឋខ្មែរត្រូវបានហាម ឃាត់មិនឱ្យមានការប្រមូលផ្តុំ ចៀសវាងការឆ្លងវីរុសកូវីដ១៩ ក៏ដោយ ក៏នៅតាមផ្ទះនានាអាចរៀបចំទទួលទេវតាឆ្នាំថ្មីបានដដែល ។ ឆ្លៀតក្នុងឱកាសនេះ…
រាជធានីភ្នំពេញ ៖ បើទោះបីជាពិធីបុណ្យចូលឆ្នាំខ្មែរនៅឆ្នាំនេះ ប្រជាពលរដ្ឋខ្មែរត្រូវបានហាម ឃាត់មិនឱ្យមានការប្រមូលផ្តុំ ចៀសវាងការឆ្លងវីរុសកូវីដ១៩ ក៏ដោយ ក៏នៅតាមផ្ទះនានាអាចរៀបចំទទួលទេវតាឆ្នាំថ្មីបានដដែល ។ ឆ្លៀតក្នុងឱកាសនេះ តំណាងស្រាបៀរ កម្ពុជា បានផ្ញើសារជូនពរពលរដ្ឋខ្មែរសម្រាប់បុណ្យចូលឆ្នាំថ្មី ដែលប្រារព្ធធ្វើឡើងចាប់ពីថ្ងៃទី ១៣ ដល់ ១៦ ខែមេសានេះ ។
លោក លាង ពៅ ( ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស បានថ្លែងថា៖ «ការរក្សាសុវត្ថិភាព និងសុខភាពជាកត្តាចម្បងសម្រាប់ពេលនេះ ។ ដូច្នេះសម្រាប់ឆ្នាំថ្មី ឆ្នាំជូត ខ្ញុំសូមបួងសួងទេវតាឆ្នាំថ្មីជួយប្រោះព្រំសព្វសាធុការពរ សិរីសួស្ដី ជ័យមង្គល វិបុលសុខ ជូនដល់ពលរដ្ឋខ្មែរយើងទាំង អស់ ឱ្យរកទទួលទានមានបាន ឆ្លងផុតពេលវេលាដ៏លំបាកនានា ជាពិសេសពេលនេះ ដែលទូទាំងពិភពលោកត្រូវបានយាយីពីវីរុសកូវីដ១៩ ។ សូមប្រជាពលរដ្ឋខ្មែរចៀសផុតពីរឿងអកុសលទាំងឡាយចាប់ពីឆ្នាំថ្មីនេះតទៅ» ។
លោកបន្តថា៖ «ដើម្បីគេចផុតពីហានិភ័យនៃការឆ្លងជំងឺកូវីដ១៩ តោងប្រជាជនខ្មែរយើងធ្វើតាមការណែនាំរបស់ក្រសួងសុខាភិបាលដោយចៀសវាងការជួបជុំ មិនត្រូវចេញក្រៅបើមិនចាំបាច់ លាងសម្អាតដៃឱ្យបានញឹកញាប់ និងសូមតាមដានការវិវឌ្ឍថ្មីៗពីរដ្ឋាភិបាលយើងទាំងអស់គ្នា ។ នៅផ្ទះទាំងអស់គ្នាដើម្បីខ្លួនឯង និងមនុស្សជាទីស្រលាញ់» ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ