អុីរ៉ាក់ ៖ ប្រទេសអុីរ៉ាក់បានព្យួរអាជ្ញាប័ណ្ណរបស់ទីភ្នាក់ងារសារព័ត៌មានរ៉យទ័រ បន្ទាប់ពីសារព័ត៌មាននេះបានចុះផ្សាយរឿងមួយដែលនិយាយថា ចំនួនករណីដែលត្រូវបានបញ្ជាក់នៅក្នុងប្រទេសនេះ គឺខ្ពស់ជាងការរាយការណ៍ជាផ្លូវការ។ អង្គភាពគ្រប់គ្រងប្រព័ន្ធផ្សព្វផ្សាយអុីរ៉ាក់ បាននិយាយថា ខ្លួនដកហូតអាជ្ញាប័ណ្ណរបស់រ៉យទ័ររយៈពេល ៣ខែ…
អុីរ៉ាក់ ៖ ប្រទេសអុីរ៉ាក់បានព្យួរអាជ្ញាប័ណ្ណរបស់ទីភ្នាក់ងារសារព័ត៌មានរ៉យទ័រ បន្ទាប់ពីសារព័ត៌មាននេះបានចុះផ្សាយរឿងមួយដែលនិយាយថា ចំនួនករណីដែលត្រូវបានបញ្ជាក់នៅក្នុងប្រទេសនេះ គឺខ្ពស់ជាងការរាយការណ៍ជាផ្លូវការ។
អង្គភាពគ្រប់គ្រងប្រព័ន្ធផ្សព្វផ្សាយអុីរ៉ាក់ បាននិយាយថា ខ្លួនដកហូតអាជ្ញាប័ណ្ណរបស់រ៉យទ័ររយៈពេល ៣ខែ និងពិន័យជាប្រាក់ចំនួន ២១០០០ដុល្លារអាមេរិក ចំពោះការរំលោភលើវិធានការនៃការផ្សព្វផ្សាយ។
នៅក្នុងលិខិតមួយផ្ញើទៅទីភ្នាក់ងារសារព័ត៌មានរ៉យទ័រ គណៈកម្មការទំនាក់ទំនងនិងប្រព័ន្ធផ្សព្វផ្សាយ (CMC) បាននិយាយថា ខ្លួនបានចាត់វិធានការ ពីព្រោះបញ្ហានេះបានកើតឡើងក្នុងកាលៈទេសៈបច្ចុប្បន្ន ដែលមានផលប៉ះពាល់ធ្ងន់ធ្ងរដល់សុខភាពនិងសុវត្ថិភាពសង្គម។
រ៉យទ័របាននិយាយថា ខ្លួនមានការសោកស្តាយចំពោះការសម្រេចចិត្តរបស់អាជ្ញាធរអុីរ៉ាក់ ហើយខ្លួនបានឈរលើរឿងរ៉ាវដែលបាននិយាយថា ផ្អែកលើប្រភពវេជ្ជសាស្ត្រនិងនយោបាយជាច្រើន ដែលតំណាងឱ្យជំហររបស់ក្រសួងសុខាភិបាលអ៊ីរ៉ាក់។
ទីភ្នាក់ងារព័ត៌មានបាននិយាយនៅក្នុងសេចក្តីថ្លែងការណ៍មួយថា៖ «យើងកំពុងស្វែងរកដំណោះស្រាយ ហើយកំពុងធ្វើការដើម្បីធានាថា យើងបន្តផ្តល់ព័ត៌មានដែលគួរឱ្យទុកចិត្តអំពីប្រទេសអុីរ៉ាក់»។
របាយការណ៍របស់ទីភ្នាក់ងារសារព័ត៌មានរ៉យទ័រចេញផ្សាយនៅថ្ងៃទី២ ខែមេសា បានលើកឡើងពីវេជ្ជបណ្ឌិតចំនួន ៣នាក់ ដែលបាននិយាយថា អុីរ៉ាក់មានករណីរាប់ពាន់ករណីដែលត្រូវបានបញ្ជាក់ច្រើនជាងករណីចំនួន៧៧២ ដែលខ្លួនបានរាយការណ៍ ជាសាធារណៈនៅពេលនោះ។
ក្រៅពីការព្យួររយៈពេល៣ខែរ៉យទ័រ ត្រូវបានបញ្ជាឱ្យចេញការសុំទោសជាផ្លូវការផងដែរ៕ (យោងតាមប្រភពពី www.thestar.com )
ចែករំលែកព័តមាននេះ