ត្រាំបានចោទប្រកាន់អង្គការសុខភាពពិភពលោកថា មានកំហុសច្រើនរឿង ដោះស្រាយបញ្ហាកូវីដ១៩ ដោយបណ្តាលអោយមានមហន្តរាយ និងស្លាប់មនុស្សជាច្រើន ។ ប៉ុន្តែសារព័ត៌មានអាមេរិករាយការណ៍ថា លោកព្យាយាមបង្វែរការទម្លាក់កំហុស ខណៈដែលប្រជាប្រិយភាពរបស់លោកធ្លាក់ចុះ ។…
ត្រាំបានចោទប្រកាន់អង្គការសុខភាពពិភពលោកថា មានកំហុសច្រើនរឿង ដោះស្រាយបញ្ហាកូវីដ១៩ ដោយបណ្តាលអោយមានមហន្តរាយ និងស្លាប់មនុស្សជាច្រើន ។ ប៉ុន្តែសារព័ត៌មានអាមេរិករាយការណ៍ថា លោកព្យាយាមបង្វែរការទម្លាក់កំហុស ខណៈដែលប្រជាប្រិយភាពរបស់លោកធ្លាក់ចុះ ។
ប្រធានាធិបតីអាមេរិកលោកដូណាល់ ត្រាំ បានប្រកាសឈប់ផ្តល់លុយអោយអង្គការសុខភាពពិភពលោក WHO កាលពីថ្ងៃអង្គារ ម៉ោងនៅប្រទេសអាមេរិក ដោយចោទប្រកាន់ស្ថាប័ន សហប្រជាជាតិមួយនេះថា ដោះស្រាយមិនបានល្អក្នុងរឿងការរាតត្បាតមេរោគកូវីដ១៩ ។
ប្រធានាធិបតីត្រាំបានចោទប្រកាន់អង្គការសុខភាពពិភពលោកថា បានប្រព្រឹត្តកំហុសជាច្រើនដោយបង្កជាមហន្តរាយ ។
លោកនិយាយថា មនុស្សស្លាប់ច្រើនណាស់ដោយសារតែកំហុសរបស់ពួកគេ ។ ប៉ុន្តែសារព័ត៌មានញូវយ៉ក ថែមស៍ របស់អាមេរិកនិយាយថា ត្រាំធ្វើដូច្នេះ គឺដើម្បីព្យាយាមបង្វែរការស្តីបន្ទោសទៅលើអង្គការសុខភាពពិភពលោក ខណៈដែលពលរដ្ឋអាមេរិកកាន់តែច្រើនមិនពេញចិត្តនឹងចំណាត់ការរបស់លោកក្នុងការដោះស្រាយបញ្ហាកូវីដ១៩ នៅអាមេរិក ។
ការស្ទង់មតិចុងក្រោយបង្ហាញថា មានពលរដ្ឋអាមេរិកជាច្រើនមិនពេញចិត្តនឹងការដោះស្រាយបញ្ហាកូវីដ១៩ ដោយប្រធានាធិបតីត្រាំ ។ អាមេរិកបានមានអ្នកជំងឺកូវីដ១៩ ចំនួនជាង៦សែននាក់ និងមានអ្នកស្លាប់ចំនួនជាង២៥០០០នាក់ ។
មេរោគនេះបានឆ្លងដល់មនុស្សជិតពីរលាន់ក្នុងពិភពលោក និងបានសម្លាប់មនុស្សប្រមាណ ១២៥០០០នាក់ក្នុងពិភពលោក ៕
ចែករំលែកព័តមាននេះ