រាជធានីភ្នំពេញ៖ ចូលមកដល់សប្តាហ៍ទី ២នៃខែមេសា ឆ្នាំ ២០២០បន្ទាប់ពីការរីករាល ដាលកូវីដ១៩ សមាគមមីក្រូហិរញ្ញវត្ថុកម្ពុជាក្រៅពីធ្វើការជិតស្នីទជាមួយស្ថាប័នពាក់ព័ន្ធ បាននឹងកំពុងធ្វើការតាមដាន ឬមានការប្រុងប្រយ័ត្នទៅលើការដាក់ប្រាក់បញ្ញើរបស់ អតិថិជន…
រាជធានីភ្នំពេញ៖ ចូលមកដល់សប្តាហ៍ទី ២នៃខែមេសា ឆ្នាំ ២០២០បន្ទាប់ពីការរីករាល ដាលកូវីដ១៩ សមាគមមីក្រូហិរញ្ញវត្ថុកម្ពុជាក្រៅពីធ្វើការជិតស្នីទជាមួយស្ថាប័នពាក់ព័ន្ធ បាននឹងកំពុងធ្វើការតាមដាន ឬមានការប្រុងប្រយ័ត្នទៅលើការដាក់ប្រាក់បញ្ញើរបស់ អតិថិជន ។
លោក ផល វ៉ាន់ឌី នាយកប្រតិបត្តិសមាគមមីក្រូវហិរញ្ញវត្ថុកម្ពុជាប្រាប់កោះសន្តិភាពនៅ ថ្ងៃនេះថា « បញ្ហាដែលយើងកំពុងធ្វើការតាមដាន ឬប្រុងប្រយ័ត្ននៅពេលនេះ គឺការដាក់ ប្រាក់បញ្ញើរបស់អតិថិជន ដោយសារកន្លងមកគ្រឹះស្ថានធំៗទាំង ៧មានអាជ្ញាបណ្ណ ក្នុងការ ទទួលប្រាក់បញ្ញើពីអតិថិវជន អ៊ីចឹងនៅពេលណាអតិថិជនសម្រុកដកប្រាក់បញ្ញើច្រើនពេក វាធ្វើឱ្យគ្រឹះស្រានស្ថានខ្វះសាច់ប្រាក់សម្រាប់បង្វិលក្នុងប្រតិបត្តិការ ។ អ៊ីចឹងយើងធ្វើការ ប្រុងប្រយ័ត្នលើរឿងនេះ» ។
លោកលើកឡើងថា មកដល់ថ្ងៃនេះមានអតិថិជនបានដកខ្លះដែរតែមានចំនួនតិចៗទេ ។ តែអ្នកផ្ញើរប្រាក់ធំៗគេនៅបន្តផ្ញើរធម្មតា អ៊ីចឹងអាចនិយាយបានថាមកដល់ថ្ងៃនេះវាមិនទាន់ មានបញ្ហាធំដុំអ្វីនៅឡើយនោះទេក្នុងវិស័យមួយនេះ ស្ថិតក្នុងភាពប្រុងប្រយ័ត្ន ។ ការដក ប្រាក់បញ្ញើទំហំតូចៗមាននៅក្នុងដើមខែមេសាទេ តែចូលមកដល់សប្តាហ៍ទី ២ និងទី ៣ នេះវាមានលក្ខណៈនឹងធឹងទៅវិញវាដូចមិនមានអ្វីគួរឱ្យបារម្ភនោះទេ ។
តាមលោក ផលវ៉ាន់ឌី ឱ្យដឹងទៀត «នៅពេលកន្លងមកមុនបញ្ហាកូវីដ១៩ កើតឡើងសមា ជិកដែលទទួលប្រាក់បញ្ញើ ពួកគាត់បានត្រៀមសាច់លុយ ហើយប្រើប្រាស់លុយនេះមាន ការប្រយ័ត្នប្រយែង ហើយទន្ទឹមនេះខាងធនាគារជាតិនៃកម្ពុជា បានចេញលក្ខខណ្ឌខ្លះៗ បន្ធូរបន្ថយក្នុងការតម្កល់សាច់ប្រាក់នៅធនាគារជាតិដែលជួយសមាជិកមីក្រូហិរញ្ញវត្ថុ យក សាច់ប្រាក់ដែលត្រូវតម្កល់មកប្រើបានខ្លះដែលជួយដល់អ្នកទទួលប្រាក់បញ្ញើ» ។
ដោយឡែកសម្រាប់គ្រឹះស្ថានភតិសន្យា និងគ្រឹះស្ថានឥណទានជនបទផ្សេងទៀតគាត់មិន ទទួលប្រាក់បញ្ញើនោះទេ អ៊ីចឹងបញ្ហាបង្វិលសាច់ប្រាក់វាមិនទាន់ជាបញ្ហាចោទនោះទេ ។ បញ្ហារបស់ស្ថាប័នផ្សេង គឺទាក់ទងទៅនិងការសងប្រាក់ត្រលប់របស់អតិថិនជន ដោយ សារអតិថិជនមួយចំនួន អាចនឹងប៉ះពាល់ព្រោះប្រាក់ចំណូល ជាហេតុធ្វើការសងប្រាក់ ត្រលប់អាចជួបបញ្ហា ។ រាល់ថ្ងៃគ្រឹះស្ថានមីក្រូហិរញ្ញវត្ថុនីមួយៗបានធ្វើការជាមួយអតិថិជន ណាដែលជួបវិបត្តិធ្ងន់ធ្ងរ ដើម្បីរៀបចំការផ្តល់ឥណទានឡើងវិញ ដោយសិក្សាលើផលប៉ះ ពាល់ជាក់ស្តែង ។
តាមនាយកប្រតិបត្តិ «គ្រឹះស្ថានមីក្រូហិរញ្ញវត្ថុ ជាមួយនឹងសមាគមមីក្រូហិរញ្ញវត្ថុយើងធ្វើ ការរួមគ្នាយ៉ាងជិតស្និទក្នុងពេលដែលជួបវិបត្តិនេះ ហើយទន្ទឹមនិងនេះយើងក៏បានធ្វើការ យ៉ាងជិតស្និទជាមួយរាជរដ្ឋាភិបាល ជាពិសេសតាមរយៈធនាគារជាតិ ធ្វើការតាមដានលើ បញ្ហាទាំងអស់នេះ ។
អាចនិយាយបានថាមកដល់ពេលនេះវិស័យមីក្រូហិរញ្ញវត្ថុមិនទាន់ រងផលប៉ះពាល់ធ្ងន់ធ្ងរនោះទេ ។ គ្រាន់មានសញ្ញាថាមានវាមានផលប៉ះពាល់តែយើងរំពឹង ថាការប៉ះពាល់ដែលកើតឡើងបន្តទៅទៀតនោះ គឺស្ថិតក្នុងកម្រិតដែលអាចគ្រប់គ្រងបាន ដោយសារតែយើងបានធ្វើការជិតស្និទជាមួយអ្នកពាក់ព័ន្ធក៏ដូចជាការសហការគ្នាបានល្អជាមួយស្ថាប័នជាប់ពាក់ព័ន្ធ» ៕
ចែករំលែកព័តមាននេះ