ប្រគល់អំណោយដល់ស្ត្រីកើតកូនតាមផ្លូវ និងប្រជាពលរដ្ឋ១០០គ្រួសារផ្សេងទៀតកំពុងជួបការលំបាក
- ភ្នំពេញ
រាជធានីភ្នំពេញ ៖ លោកស្រី មុំ ចាន់ដានី ប្រធានមន្ទីរ សង្គមកិច្ច រាជធានីភ្នំពេញ និង ជាប្រធានក្រុមការងារចុះជួយសង្កាត់គោករកា…
រាជធានីភ្នំពេញ ៖ លោកស្រី មុំ ចាន់ដានី ប្រធានមន្ទីរ សង្គមកិច្ច រាជធានីភ្នំពេញ និង ជាប្រធានក្រុមការងារចុះជួយសង្កាត់គោករកា ក្នុងខណ្ឌព្រែកព្នៅ រាជធានីភ្នំពេញ កាលពីថ្ងៃទី១៣ ខែមេសា ឆ្នាំ២០២០ បាននាំយកអំណោយរបស់លោក ឃួង ស្រេង អភិបាលបាលរាជធានីភ្នំពេញ និងជាប្រធានក្រុមការងារចុះជួយខណ្ឌព្រែកព្នៅ ព្រមទាំងក្រុមការងារយកទៅចែកជូនស្ត្រីម្នាក់សម្រាលកូនទី៧នៅតាមផ្លូវ នាពាក់កណ្តាលយប់ និងប្រជាពលរដ្ឋចំនួន១០០គ្រួសារផ្សេងទៀតដែលកំពុងជួបការលំបាកនៅក្នុងសហគមន៍ភូមិអណ្តូង សង្កាត់គោករការ ខណ្ឌព្រែកព្នៅ ដើម្បីជួយសម្រួលការលំបាកដោះស្រាយជីវភាព ។
អំណោយរបស់លោក ឃួង ស្រេង ដែលបានផ្តល់ជូននោះរួមមាន អង្ករ២តោន ទឹកត្រី១០០យួរ, ទឹកស៊ីអុីវ១០០យួរ, មី, ត្រីខកំប៉ុង, អំបិល, សាប៊ូដុំ, និងថវិកាមួយចំនួនទៀត ដើម្បីជួយសម្រាលការលំបាកក្នុងពេលនេះ ៕
ចែករំលែកព័តមាននេះ