ប្រធានគណៈកម្មាធិការអូឡាំពិកអន្តរជាតិ (IOC) ប្រឈមនឹងការចំណាយប្រាក់រាប់រយលានដុល្លារអាមេរិកបន្ថែមទៀត ដោយសារតែការពន្យារពេលនៃការប្រកួតអូឡាំពិក ។ នេះបើយោងតាមសម្តីរបស់ប្រធាន IOC លោក Thomas Bach…
ប្រធានគណៈកម្មាធិការអូឡាំពិកអន្តរជាតិ (IOC) ប្រឈមនឹងការចំណាយប្រាក់រាប់រយលានដុល្លារអាមេរិកបន្ថែមទៀត ដោយសារតែការពន្យារពេលនៃការប្រកួតអូឡាំពិក ។ នេះបើយោងតាមសម្តីរបស់ប្រធាន IOC លោក Thomas Bach នៅក្នុងបទសម្ភាសន៍ជាមួយកាសែតអាល្លឺម៉ង់ Die Welt ។
លោក Thomas Bach បានថ្លែងថា «វាមិនអាចនិយាយបានទេសម្រាប់ពេលនេះថា តើការពន្យារពេលមួយឆ្នាំនឹងត្រូវចំណាយបន្ថែមប៉ុន្មាន ប៉ុន្ដែយើងអាចនិយាយថា IOC នឹងដោះស្រាយចំណែកនៃបន្ទុកហិរញ្ញវត្ថុ ដូចដែលបានពិភាក្សាជាមួយនាយករដ្ឋមន្ត្រី ស៊ីនហ្សូ អាបេ មុនពេលការពន្យារពេលត្រូវបានប្រកាសកាលពីខែមុន» ។
លោកបានបន្តទៀតថា «យើងបានព្រមព្រៀងជាមួយលោកនាយករដ្ឋមន្ត្រីថា ប្រទេសជប៉ុននឹងបន្តរ៉ាប់រងថ្លៃដើមដែលខ្លួនបានធ្វើ ក្រោមលក្ខខណ្ឌនៃកិច្ចព្រមព្រៀងដែលមានស្រាប់សម្រាប់ឆ្នាំ ២០២០ ហើយ IOC នឹងបន្តទទួលខុសត្រូវចំពោះចំណែកចំណាយរបស់ខ្លួន ។ សម្រាប់ IOC វាច្បាស់ណាស់ថា យើងនឹងត្រូវប្រឈមនឹងការចំណាយបន្ថែមរាប់រយលានដុល្លារអាមេរិក» ។
សូមរំលឹកជូនថា ការប៉ាន់ស្មានរបស់ប្រទេសជប៉ុនបានដាក់ការចំណាយសរុប នៃការពន្យាពេលនេះពីចន្លោះ ២ទៅ៦ពាន់លានដុល្លារអាមេរិក ៕
ចែករំលែកព័តមាននេះ