អតីតមិត្តស្រីរបស់លោក Unai Emery នាង Sacha Wright បានអះអាងថា អតីតមិត្តប្រុសរបស់នាងបានស្តីបន្ទោសនាងថាជាដើមហេតុធ្វើឱ្យរូបគេត្រូវក្លិប Arsenal បណ្តេញចេញពីតំណែង…
អតីតមិត្តស្រីរបស់លោក Unai Emery នាង Sacha Wright បានអះអាងថា អតីតមិត្តប្រុសរបស់នាងបានស្តីបន្ទោសនាងថាជាដើមហេតុធ្វើឱ្យរូបគេត្រូវក្លិប Arsenal បណ្តេញចេញពីតំណែង ដោយបានហៅនាងថាជាអាបធ្មប់ ។
សូមរំលឹកថា លោក Unai Emery បានចូលមកដឹកនាំក្លិបកាំភ្លើងធំ Arsenal ជំនួសលោក Arsène Wenger នៅថ្ងៃទី ២៣ ខែ ឧសភា ឆ្នាំ ២០១៨ ប៉ុន្តែលោកដឹកនាំមិនដល់១៨ខែផងក៏ត្រូវបានក្លិបសម្រេចបញ្ចប់តួនាទីនៅថ្ងៃទី ២៩ ខែ វិច្ឆិកា ឆ្នាំ ២០១៩ ។
អតីតមិត្តស្រីនាង Sacha Wright បានប្រាប់កាសែត The Sun ថា «នៅពេលនោះគាត់បានស្តីបន្ទោសខ្ញុំ ចំពោះមូលហេតុដែលគាត់ត្រូវបានបណ្តេញចេញ ។ គាត់បានហៅខ្ញុំថា ជាអាបធ្មប់ ដែលនាំសំណាងអាក្រក់ ។ ហើយនោះវាជាថ្ងៃដែលពួកយើងបែកបាក់គ្នា» ។
នាងបានបន្ថែមថា «ខ្ញុំតែងតែទុកចិត្ត Unai ហើយខ្ញុំជឿថា យើងនឹងរៀបការ ព្រមទាំងមានកូនជាមួយគ្នាថ្ងៃណាមួយ។ ខ្ញុំគិតថាគាត់ជាបុរសសុភាពរាបសា និងជាមេគ្រួសារពិត។ ប៉ុន្តែនៅចុងបញ្ចប់ ខ្ញុំដឹងថាគាត់មិនទាន់បានត្រៀមខ្លួនសម្រាប់ទំនាក់ទំនងនេះទេ» ៕
ចែករំលែកព័តមាននេះ