ខេត្តឧត្តរមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់រងរបួសក្បាលយ៉ាងធ្ងន់ធ្ងរ ខណៈឃើញនារីម្នាក់មានរូបសម្រស់ស្រស់ស្អាត ក៏ស្រាប់តែស្ទុះទៅឱបនាង ពេលនោះឪពុកនាងឃើញ ក៏ទាញកាំបិតកាប់ក្បាលមួយកាំបិតតែម្តង បណ្តាលឱ្យរងរបួសធ្ងន់ធ្ងរ បង្កឱ្យមានការភ្ញាក់ផ្អើលកាលពីម៉ោង៧យប់…
ខេត្តឧត្តរមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់រងរបួសក្បាលយ៉ាងធ្ងន់ធ្ងរ ខណៈឃើញនារីម្នាក់មានរូបសម្រស់ស្រស់ស្អាត ក៏ស្រាប់តែស្ទុះទៅឱបនាង ពេលនោះឪពុកនាងឃើញ ក៏ទាញកាំបិតកាប់ក្បាលមួយកាំបិតតែម្តង បណ្តាលឱ្យរងរបួសធ្ងន់ធ្ងរ បង្កឱ្យមានការភ្ញាក់ផ្អើលកាលពីម៉ោង៧យប់ ថ្ងៃទី១៣ ខែមេសា ឆ្នាំ២០២០ ស្ថិតក្នុងភូមិយាយទេព ឃុំបេង ស្រុកបន្ទាយអម្ពឹល ។
សេចក្តីរាយការណ៍បន្តថា ជនសង្ស័យខាងលើឈ្មោះ យ៉ោត យាន ភេទប្រុស អាយុ៣២ឆ្នាំរស់ក្នុងភូមិ-ឃុំកើតហេតុខាងលើ បានប្រើប្រាស់កាំបិតចុងស្រួច កាប់ទៅលើជនរងគ្រោះឈ្មោះ ណែម ឆានុន ភេទប្រុស អាយុ១៨ឆ្នាំ បណ្តាលឱ្យរងរបួសស្នាមចំពីលើក្បាលផ្នែកខាងឆ្វេង ។ ចំពោះមូលហេតុ គឺបណ្តាលមកពីខឹងជនរងគ្រោះចាប់អោបកូនស្រីរបស់គាត់អាយុ១៥ឆ្នាំ ។
បើតាមប៉ូលិសប៉ុស្តិ៍រដ្ឋបាលឃុំបេង បានឱ្យដឹងថា បុនពេលកើតហេតុ បុរសជាជនសង្ស័យបានទៅលេងផ្ទះម្តាយក្មេករបស់ខ្លួននៅនឹងភូមិបេង ឃុំបេង ស្របពេលនោះជនរងគ្រោះដែលស្ទុះទៅអោបកូនស្រីគេនោះក៏បាននៅទីនោះដែរ ។ លុះបន្តិចក្រោយមក កូនស្រីរបស់ជនសង្ស័យខាងលើក៏បានទៅលេងនឹងផ្ទះជីដូនផងដែរ ស្រាប់តែជនរងគ្រោះឃើញនាងមានរូបសម្រស់ស្រស់ស្អាត ក៏ស្ទុះទៅឱបនាង ធ្វើឱ្យឪពុកនាងផ្ទុះកំហឹង ក៏ទាញកាំបិតកាប់ក្បាលតែម្តង។
ប៉ូលិសប៉ុស្តិ៍រដ្ឋបាលឃុំ បន្តថា ទោះជាបែបណា ក្រោយពេលកើតហេតុ ប៉ូលិសបានចុះទៅកន្លែងកើតហេតុភ្លាមៗ និងធ្វើការឃាត់ខ្លួនបុរសជាឪពុក ដើម្បីចាត់ការតាមផ្លូវច្បាប់ ចំណែកជនរងគ្រោះត្រូវយកមកធ្វើការសង្គ្រោះនៅក្នុងមណ្ឌលសុខភាពស្រុក ផងដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ