សហព័ន្ធកីឡាបាល់ទាត់ប្រទេសអុីតាលីសង្ឃឹមថាកីឡាករទាំងអស់អាចត្រូវបានធ្វើតេស្តរកវីរុសកូវីដ១៩ នៅដើមខែឧសភានេះ មុនពេលការររៀបចំការចាប់ផ្តើមការប្រកួតលីគឡើងវិញ។ ក្របខ័ណ្ឌលីគកំពូល Serie A ត្រូវបានផ្អាកចាប់តាំងពីថ្ងៃទី៩ ខែមីនា ដោយសារតែការរាតត្បាតនៃវីរុសកូវីដ១៩ ក្នុងប្រទេសអុីតាលី…
សហព័ន្ធកីឡាបាល់ទាត់ប្រទេសអុីតាលីសង្ឃឹមថាកីឡាករទាំងអស់អាចត្រូវបានធ្វើតេស្តរកវីរុសកូវីដ១៩ នៅដើមខែឧសភានេះ មុនពេលការររៀបចំការចាប់ផ្តើមការប្រកួតលីគឡើងវិញ។
ក្របខ័ណ្ឌលីគកំពូល Serie A ត្រូវបានផ្អាកចាប់តាំងពីថ្ងៃទី៩ ខែមីនា ដោយសារតែការរាតត្បាតនៃវីរុសកូវីដ១៩ ក្នុងប្រទេសអុីតាលី ក៏ដូចជាទូទាំងពិភពលោក ។ មិនទាន់មានកាលបរិច្ឆេទកំណត់ សម្រាប់ការចាប់ផ្តើមការប្រកួតឡើងវិញនៅឡើយទេ ។
ប្រធានសហព័ន្ធលោក Gabriele Gravina បានថ្លែងប្រាប់ Sky Sports Italia ថា «លីគនឹងចាប់ផ្តើមឡើងវិញ នៅពេលសុខភាពរបស់អត្តពលិក និងបុគ្គលិកត្រូវបានធានាការពារជាអតិបរមា។ យើងនឹងគូសបញ្ជាក់នូវនីតិវិធីមួយចំនួន វានឹងបញ្ជូនបន្តទៅលីគទាំងអស់ ហើយពួកគេនឹងធ្វើឱ្យប្រាកដថា វានឹងត្រូវបានគោរពតាមយ៉ាងម៉ត់ចត់ដោយអត្តពលិក» ។
«ខ្ញុំសង្ឃឹមថាយើងនឹងចាប់ផ្តើមឡើងវិញនៅចុងខែមេសា ជាមួយនឹងការធ្វើតេស្តដើម្បីធានាថា កីឡាករមានភាពអវិជ្ជមាន ហើយការហ្វឹកហាត់នឹងអាចធ្វើទៅបាន ។ នោះគឺជាប្រផ្នូលល្អ ដើម្បីចាប់ផ្តើមឱ្យបានឆាប់តាមដែលអាចធ្វើទៅបាន ជាមួយនឹងលីគរបស់យើង [Serie A]» ៕
ចែករំលែកព័តមាននេះ