រាជធានីភ្នំពេញ ៖ ពិធីការិនីល្បីឈ្មោះមួយរូប និងជាអ្នកពូកែវោហាសព្ទដោះស្រាយវិបតិ្តស្នេហាដល់ប្រិយមិត្តរបស់អ្នកនាង បានបង្ហោះសារលើហ្វេសប៊ុករៀបរាប់អំពីចរិតស្វាមីរបស់អ្នកនាង ឱ្យអ្នកគាំទ្របានដឹង ព្រមទាំងផ្ញើសារទៅបុរសផ្សងៗទៀតឱ្យបានដឹងផងដែរ ។
ឌីជេ ណាណា (Dj Nana) ដែលកំពុងពរពោះ បានបង្ហោះសារលើហ្វេសប៊ុកផេកផ្លូវការរបស់អ្នកនាងកាលពីថ្ងៃទី១២ មេសា ដែលមានខ្លឹមសារថា «លោកប្តីងើបតាំងពីពេលណាមិនដឹង លាងចាន បោសជូតផ្ទះ និងត្រៀមឆុងទឹកដោះគោឱ្យប្រពន្ធ ។ នេះហើយបុរសពិតៗ ។ មនុស្សស្រីដែលមានផ្ទៃពោះ ត្រូវការគេងឱ្យបានច្រើន ដូច្នេះ ដើម្បីប្រពន្ធនិងកូន ស្វាមីត្រូវចេះជួយរំលែកការងារផ្ទះ ។ លឺនៅប្រុសៗ?» ។
បន្ថែមពីលើសំណេរយ៉ាងផ្អែមល្អែម អ្នកនាងក៏បានបង្ហោះរូបភាពមួយសន្លឹករបស់ស្វាមីអ្នកនាងដែលញញឹមយ៉ាងស្រស់ ដៃម្ខាងកាន់ទឹកដោះគោផង និងដៃម្ខាងទៀត កំពុងកាន់ប្រដាប់ជូតផ្ទះផងនោះ ដែលនេះបង្ហាញថា ស្វាមីអ្នកនាងពិតជាយល់ទុក្ខធុរៈភរិយា ហើយធ្វើការមិនប្រកាន់ការងារប្រុស ឬក៏ស្រីនោះ ទេ ។
ចុះបងៗសុភាពបុរសទាំងឡាយ ធ្លាប់បានធ្វើការងារផ្ទះដែរអត់ ពេលភរិយាកំពុងពរពោះនោះ ?
ចែករំលែកព័តមាននេះ