រាជធានីភ្នំពេញ ៖ កម្ពុជានឹងមានភ្លៀងធ្លាក់តិចទៅច្រើនរាយប៉ាយនៅតំបន់មួយចំនួន ទាំងមានបាតុភូតផ្គរ រន្ទះ និងខ្យល់កន្ត្រាក់ ចាប់ពីថ្ងៃទី១៥ ដល់២១ ខែមេ សា…
រាជធានីភ្នំពេញ ៖ កម្ពុជានឹងមានភ្លៀងធ្លាក់តិចទៅច្រើនរាយប៉ាយនៅតំបន់មួយចំនួន ទាំងមានបាតុភូតផ្គរ រន្ទះ និងខ្យល់កន្ត្រាក់ ចាប់ពីថ្ងៃទី១៥ ដល់២១ ខែមេ សា ។ នេះ មើលតាមក្រសួងធនធានទឹក និងឧតុនិយម ។
យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយមស្តីពីស្ថានភាពធាតុអាកាសចាប់ថ្ងៃទី១៥ ដល់២១ ខែមេសា ឆ្នាំ២០២០ បានបញ្ជាក់ថា តាមរយៈការតាមដានស្ថានភាពអាកាសធាតុជាបន្តបន្ទាប់ សង្កេតឃើញថា ជ្រលងសម្ពាធខ្ពស់រំកិលអូសបន្លាយមកលើខ្ពង់រាបឦសាន ខណៈជ្រលងសម្ពាធទាប បន្តគ្រប់ដណ្តប់មកលើតំបន់វាលទំនាបកណ្តាល និងតំបន់មាត់សមុទ្រ ។
ក្រសួងបានបន្តថា ស្ថានភាពបែបនេះធ្វើឱ្យធាតុអាកាសមានលក្ខណៈដូចជា ៖បណ្ដាខេត្តនៅតំបន់វាលទំនាបកណ្ដាលមានសីតុណ្ហភាពអប្បបរមាពី ២៤ ដល់២៧ អង្សាសេ នៅថ្ងៃទី១៥ ដល់ ១៨ ខែមេសា សីតុណ្ហភាពអតិបរមាមាន ៣២ដល់ ៣៦ អង្សាសេ និងចាប់ពីថ្ងៃទី១៩ ដល់ ២១ ខែមេសា សីតុណ្ហភាពអតិបរមាមានពី៣៤ ដល់៣៨អង្សាសេ ។ ចាប់ពីថ្ងៃទី ១៥ ដល់ ១៨ ខែមេសា មានភ្លៀងធ្លាក់រាយប៉ាយនៅក្នុងកម្រិតពីតិចទៅច្រើន និងបន្ទាប់ពីនោះភ្លៀងនឹងធ្លាក់ថមថយ ។
ចំណែកឯបណ្តាខេត្តនៅតំបន់ខ្ពស់រាបឦសានមានសីតុណ្ហភាពអប្បរមាពី២៣ដល់២៥អង្សាសេ និងសីតុណ្ហភាពអតុបរមាមានពី៣២ ដល់៣៥អង្សាសេ ។ ផ្នែកមួយចំនួននឹងអាចមានភ្លៀងធ្លាក់ពីខ្សោយទៅមធ្យម ។ក្រសួងបានឲ្យដឹងថា ចំពោះបណ្តាខេត្តនៅតំបន់មាត់សមុទ្រមានសីតុណ្ហភាពអប្បរមាពី២៥ ដល់២៧អង្សាសេ និងសីតុណ្ហភាពអតិប្បរមាពី៣២ ដល់៣៤អង្សាសេ ។
ចាប់ពីថ្ងៃទី១៥ដល់១៧ ខែមេសាផ្នែកមួយចំនួននឹអាចមានភ្លៀងធ្លាក់ក្នុងកម្រិតពីតិចទៅច្រើន នឹងបន្ទាប់ពីនោះភ្លៀងធ្លាក់ថមថយ ។ ជាមួយគ្នានោះដែរ ក្រសួងអំពាវនាវដល់សាធារណជនមានការប្រុងប្រយ័ត្នចំពោះបាតតុភូត ផ្គរ រន្ទះ និងខ្យល់កន្ត្រាក់ដែលនឹងអាចកើតមានពិសេសនោះនៅផ្នែកខ្លះនៃតំបន់វាលទំនាបកណ្តាល នឹងតំបន់ជួរភ្នំដងរែក ចាប់ពីថ្ងៃទី១៥ ដល់១៧ខែមេសា ៕ កែសម្រួលដោយ ៖ សុឃាក់
ចែករំលែកព័តមាននេះ