រណ្តាប់ទទួលទេវតាតាមទំនៀមពីបុរាណរៀងរហូតមក ត្រូវរៀបរានទទួលទេវតានៅខាងមុខផ្ទះមួយសម្រាប់គ្រឿងពលីការផ្សេងៗ ។ នៅនឹងរានទេវតានោះត្រូវរៀបក្រាលសំពត់ពណ៌ ស ឬអាចក្រាលសំពត់ពណ៌លឿងក៏បាន ព្រោះទេវតាឆ្នាំនេះ គ្រងអម្ពរពណ៌លឿង ហើយរៀបចំនូវគ្រឿងសក្ការបូជាទេវតា មានជាអាទិ៍បាយសី…
រណ្តាប់ទទួលទេវតាតាមទំនៀមពីបុរាណរៀងរហូតមក ត្រូវរៀបរានទទួលទេវតានៅខាងមុខផ្ទះមួយសម្រាប់គ្រឿងពលីការផ្សេងៗ ។
នៅនឹងរានទេវតានោះត្រូវរៀបក្រាលសំពត់ពណ៌ ស ឬអាចក្រាលសំពត់ពណ៌លឿងក៏បាន ព្រោះទេវតាឆ្នាំនេះ គ្រងអម្ពរពណ៌លឿង ហើយរៀបចំនូវគ្រឿងសក្ការបូជាទេវតា មានជាអាទិ៍បាយសី ៩ថ្នាក់ មួយគូ បាយសី ៧ថ្នាក់មួយគូ បាយសី ៥ថ្នាក់មួយគូ បាយសី ៣ ថ្នាក់មួយគូ បាយសី ប៉ាឆា មួយគូ ស្លាធម៌មួយគូ ទឹកអប់មួយគូ ទៀន៥ ធូប ៥ លាច ៥ ផ្កា ៥ ដាក់លើជើងពាន ១ គូ ផ្លែឈើ ៣ឬ៤មុខ រៀបដាក់លើជើងពាន ទឹកស្អាត ២ កែវ ។
ក្បួនរណ្តាប់ទទួលទេវតា មិនបញ្ជាក់ថាយកផ្លែអ្វីទទួលទេវតាទេ ប៉ុន្តែដោយសារឆ្នាំនេះទេវតាសោយ ប្រេង ទើបគួររៀបចំឱ្យមាន ប្រេង ជាគ្រឿងទទួលទេវតា គឺប្រេងអ្វីក៏ដោយដែលមនុស្សអាចបរិភោគបាន ចំនួន២ចាន ដែលអាចជាចានចង្កឹះ ចានគោម ឬចានសំប៉ាត ក៏បាន ដាក់នៅក្នុងគ្រឿងរណ្តាប់ទទូលទេវតា ព្រោះទេវតាឆ្នាំនេះសោយប្រេង ។
ស្រេចហើយនៅវេលាម៉ោង៨និង៤៨នាទីយប់នេះដែលទេវតាចុះមក ត្រូវជួបប្រជុំក្រុមគ្រួសារ តែការជួបជុំមិនគប្បីជួបជុំគ្នាច្រើនទេ ហើយត្រូវនៅឱ្យឃ្លាតគ្នាពី១ទៅ២ម៉ែត្រ គឺដើម្បីបញ្ចៀសការឆ្លងជំងឺ កូវីដ ១៩ ដើម្បីនមស្សកាថ្វាយបង្គំ ព្រះរតនត្រ័យ សមាទានសីល ហើយតាំងចិត្តឱ្យបានស្អាតបរិសុទ្ធជ្រះស្រឡះនូវមន្ទិលទាំងពួង តម្កល់ចិត្តរំពឹងគិតទៅលើព្រះពុទ្ធ ព្រះធម៌ ព្រះសង្ឃ ជាទីពឹងទីរឭក នោះទេវតានឹងបីបាច់អភិរក្សថែរក្សាលោកអ្នកឱ្យបានសុខចម្រុងចម្រើន ។ សាន សារិន
ចែករំលែកព័តមាននេះ