នៅថ្ងៃទី ១៣ ខែមេសា ឆ្នាំ ២០២០ នេះ ដើម្បីរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងទប់ស្កាត់ការរីករាលដាលនៃជំងឺកូវីដ ១៩ លោកឧកញ៉ា អុឹង ប៊ុនហ៊ូវ ប្រធានអគ្គនាយកក្រុមហ៊ុន ដូនពេញ (ខេមបូឌា) គ្រុប (Daun Penh (Cambodia) Group) និងលោកជំទាវ បាននាំយកទឹកពិសាធម្មជាតិ ប្រូវីដា ចំនួន ៣.០០០ កេស ប្រគល់ជូន ឯកឧត្តម ស សុខា រដ្ឋលេខាធិការ នៃក្រសួងអប់រំ យុវជន និងកីឡា និងលោកជំទាវ ដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងទល់នឹងជំងឺកូវីដ ១៩ ។
ឯកឧត្តម ស សុខា បានថ្លែងអំណរគុណយ៉ាងជ្រាលជ្រៅចំពោះលោកឧកញ៉ា និងលោកជំទាវ ជាសប្បុរសជនដែលបានបរិច្ចាគនូវធនធានផ្ទាល់ខ្លួនដោយទឹកចិត្តជ្រះថ្លា ចូលរួមជាមួយរាជរដ្ឋាភិបាល ដើម្បីប្រយុទ្ធប្រឆាំងការរីករាលដាលនៃជំងឺ COVID-19 ដែលជាសត្រូវឥតស្រមោលនៃមនុស្សជាតិ ។
ប្រូវីដា ជាទឹកពិសាធម្មជាតិទី ១ នៅកម្ពុជា មានប្រភពចេញពីព្រៃត្រូពិចធម្មជាតិនាជួរភ្នំខេត្តកំពត សម្បូរទៅដោយសារធាតុរ៉ែច្រើនប្រភេទដូចជា៖ កាល់ស្យូម សូដ្យូម ប៉ូតាស្យូម ស៊ុលផាត នីទ្រីតសម្រាប់ សុខភាពអ្នក និងក្រុមគ្រួសារ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ