ក្រៅពីបរិច្ចាគលុយហើយ លោក Bill Gates ជួយអ្វីទៀតដើម្បីទប់ទល់កូវីដ១៩?
ក្នុងបទសម្ភាសន៍មួយជាមួយ Financial Times សហស្ថាបនិក Microsoft គឺលោកមហាសេដ្ឋី ប៊ីល ហ្គេតស៍ (Bill Gates)…
ក្នុងបទសម្ភាសន៍មួយជាមួយ Financial Times សហស្ថាបនិក Microsoft គឺលោកមហាសេដ្ឋី ប៊ីល ហ្គេតស៍ (Bill Gates)…
ក្នុងបទសម្ភាសន៍មួយជាមួយ Financial Times សហស្ថាបនិក Microsoft គឺលោកមហាសេដ្ឋី ប៊ីល ហ្គេតស៍ (Bill Gates) បាននិយាយថាការផ្ទុះវីរុសកូវីដ ១៩ ជាហេតុការណ៍ដែលធំជាងគេក្នុងជីវិតរបស់មនុស្សមួយចំនួន ។ លោកបានព្រមានទៀតថាការផ្ទុះនូវជម្ងឺក្នុងទ្រង់ទ្រាយនេះអាចនឹងកើតមានឡើងរៀងរាល់ ២០ឆ្នាំម្តង ។
កាលពីខែមិនា លោកបានប្រកាសលើ LinkedIn របស់លោកថាលោកនឹងចាកចេញពីក្រុមនាយកគ្រប់គ្រងរបស់ក្រុមហ៊ុន Microsoft និង Berkshire Hathaway ដើម្បីមានពេលច្រើនជាងមុនក្នុងការតាមដានអាជីវកម្មដែលមានគោលបំណងសប្បុរសធម៌ និងផ្តោតស្មារតីរបស់លោកលើការដោះស្រាយបញ្ហាសុខភាព និងការអភិវឌ្ឍន៍ជុំវិញពិភពលោក ។
លោក ហ្គេតស៍ បានចែករំលែកយ៉ាងក្បោះក្បាយអស់រយៈពេលជាច្រើនឆ្នាំពីផលប៉ះពាល់ប្រសិនបើមានការផ្ទុះវីរុសជុំវិញពិភពលោកដូចកូវីដ ១៩ នេះ ។ កាលពីឆ្នាំ ២០១៥ លោកបានចែករំលែកលើកម្មវិធី TED Talk ថា ពិភពលោកមិនទាន់ត្រៀមខ្លួនរួចសម្រាប់ការផ្ទុះជម្ងឺបន្ទាប់ទេ ។ នៅឆ្នាំ ២០១៧ លោកបាននិយាយសាជាថ្មីក្នុងអត្ថបទមួយដែលបានផ្សាយលើ Business Insider និងថែមទាំងអះអាងថាការគម្រាមកំហែងដែលបង្កពីការផ្ទុះជម្ងឺនឹងស្មើគ្នាជឫមួយបម្រឺបម្រួលបរិយាកាស និងសង្គ្រាមអាវុធនុយក្លេអ៊ែរផងដែរ ។
នៅដើមខែកុម្ភៈ មូលនិធិសប្បរុសធម៌របស់លោកបានសន្យាថានឹងបរិច្ចាគ ១០០លានដុល្លារដើម្បីទប់ទល់នឹងការផ្ទុះជម្ងឺនេះ ប៉ុន្តែមួយផ្នែកធំគឺទុកសម្រាប់ការបង្កើតវ៉ាក់សាំង ។ នៅខែមិនា មូលនិធិខាងលើបានសហការជាមួយ Wellcome និង Mastercard និងសន្យាថានឹងបរិច្ចាគរួមគ្នា ១២៥លានដុល្លារដើម្បីពន្លឿនវិធីព្យាបាល ។
មូលនិធិនេះក៏បានផ្តល់ថវិកាដល់គម្រោងមួយដែលផលិតតេស្តសម្រាប់មនុស្សពិនិត្យខ្លួនឯងនៅផ្ទះផងដែរ ។ នៅខែកុម្ភៈ លោកមហាសេដ្ឋី វ៉ារេន បាហ្វេត (Warren Buffett) បាននិយាយថាលោក ហ្គេតស៍ ជាទីប្រឹក្សាវិទ្យាសាស្ត្ររបស់លោក និងបានបន្ថែមថាលោក ហ្គេតស៍ ផ្តោតសំខាន់លើការរកដំណោះស្រាយរយៈពេលវែង ។
ប៉ុន្តែយោងទៅតាមអ្នកសារព័ត៌មាន អៀម៉ុន បារេត (Eamon Barett) ដែលមកពី Fortune បានឲ្យដឹងកាលពីខែកុម្ភៈដែរថា ថវិកាដែលត្រូវបានបរិច្ចាគដោយលោកហ្ឯេតស៍ និងមហាសេដ្ឋី ជេក ម៉ា (Jack Ma) របស់ Alibaba ប្រហែលជាមិនធ្លាក់ក្នុងដៃមនុស្សដែលត្រូវការវាទេ ។
ផ្ទុយមកវិគ លុយទាំងនោះអាចនឹងធ្លាក់ក្នុងដៃអង្គការដែលត្រូវបានហាមឃាត់ដោយរដ្ឋាភិបាលចិនក្នុងប្រទេសចិនទៅវិញ ៕
ចែករំលែកព័តមាននេះ