អ៊ូហ្គង់ដា ៖ នៅពេលដែលបណ្តាប្រទេសនៅជុំវិញពិភពលោកខិតខំ ដើម្បីរក្សាប្រជាជនឱ្យនៅក្នុងផ្ទះ ក្នុងគោលបំណងបញ្ឈប់ការរីករាលដាលនៃវីរុសកូវីដ១៩ លោកប្រធានាធិបតី អ៊ូហ្គង់ដា គឺលោក Yoweri Museveni កំពុងព្យាយាមធ្វើអ្វីមួយ ដែលប្លែកពីប្រធានាធិបតីផ្សេងៗទៀត។
ក្នុងគោលបំណង ដើម្បីលើកទឹកចិត្តប្រជាជនប្រទេសអ៊ូហ្គង់ដា ឱ្យស្នាក់នៅក្នុងផ្ទះក្នុងអំឡុងពេលនៃការបិទប្រទេស ដោយមេដឹកនាំវ័យ៧៥ឆ្នាំរូបនេះ បានបញ្ចេញវីដេអូហាត់ប្រាណនៅផ្ទះរបស់គាត់។
រហូតមកដល់ពេលនេះ មានករណីឆ្លងវីរុសនេះចំនួន ៥៣ករណីនៅក្នុងប្រទេសអ៊ូហ្គង់ដា នេះបើយោងតាមតួលេខដែលមកពីសាកលវិទ្យាល័យ Johns Hopkins និងក្រសួងសុខាភិបាលរបស់ប្រទេសនេះ។
កាលពីថ្ងៃពុធ លោកប្រធានាធិបតី Museveni បានបង្ហោះសារលើ Twitter ដើម្បីប្រាប់ប្រជាជនកុំឱ្យទៅហាត់ប្រាណនៅខាងក្រៅផ្ទះ ហើយសរសេរថា៖ «ប្រសិនបើអ្នកចង់ហាត់ប្រាណ អ្នកក៏អាចហាត់នៅក្នុងផ្ទះបានដែរ»។
នៅក្នុងវីដេអូមួយ ដែលត្រូវបានបង្ហោះកាលពីថ្ងៃព្រហស្បតិ៍ លោក Museveni ត្រូវបានគេមើលឃើញថា កំពុងដើរដោយជើងទទេរ នៅជុំវិញការិយាល័យរបស់គាត់។
អ៊ូហ្គង់ដា បានចេញសេចក្តីណែនាំរបស់ប្រធានាធិបតីជាច្រើន ដែលមានគោលបំណងទប់ស្កាត់ការរីករាលដាលនៃជំងឺឆ្លងវីរុសនេះ រួមទាំងបំរាមគោចរដែលបានចាប់ផ្តើមនៅថ្ងៃទី៣១ ខែមីនា។
នៅថ្ងៃទី១៨ ខែមីនា សាលារៀនត្រូវបានបិទ ហើយការជួបជុំសាធារណៈសន្និសីទ និងការអធិស្ឋានរួមត្រូវបានហាមឃាត់។ វិធានការចាក់សោរបន្ថែមទៀត បានដាក់កម្រិតលើការដឹកជញ្ជូន ហើយសេវាកម្មដែលមិនចាំបាច់ត្រូវបានគេប្រាប់ឱ្យបិទ៕ ដកស្រង់ចេញពីវេបសាយ ៖
Cnn ប្រភពវីដេអូ ៖ HealthAlert.COVID-19 (កែសម្រួលដោយ ៖ បុប្ផា)
ចែករំលែកព័តមាននេះ