រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រី ក្រសួងមហាផ្ទៃ និងជាអនុប្រធានគណៈកម្មការជាតិប្រយុទ្ធនឹងជំងឺកូវីដ-១៩ បានធ្វើការណែនាំឲ្យសមត្ថកិច្ចត្រូវមានអាកប្បកិរិយាត្រឹមត្រូវចំពោះប្រជាពលរដ្ឋខ្មែរដោយមិនចាំដាក់ទោសទណ្ឌនោះទេ…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រី ក្រសួងមហាផ្ទៃ និងជាអនុប្រធានគណៈកម្មការជាតិប្រយុទ្ធនឹងជំងឺកូវីដ-១៩ បានធ្វើការណែនាំឲ្យសមត្ថកិច្ចត្រូវមានអាកប្បកិរិយាត្រឹមត្រូវចំពោះប្រជាពលរដ្ឋខ្មែរដោយមិនចាំដាក់ទោសទណ្ឌនោះទេ ហើយរហូតដល់ពេលនេះមិនទាន់ពលរដ្ឋខ្មែរណាម្នាក់ស្លាប់ដោយជំងឺកូវីដ-១៩ទេ ។
ថ្លែងក្នុងពិធីប្រគល់រថយន្ដជូនស្នងការដ្ឋានគរបាលខេត្ត និងប្រគល់សម្ភារមួយចំនួន ដើម្បីការពារជំងឺកូវីដ-១៩ ជូនអគ្គនាយកដ្ឋានចំណុះក្រសួងមហាផ្ទៃនៅទីស្ដីការក្រសួងមហាផ្ទៃនាព្រឹកថ្ងៃទី១៣ ខែមេសា ឆ្នាំ២០២០ សម្ដេចក្រឡាហោម ស ខេង បានអរគុណទៅដល់សមត្ថកិច្ចចំណុះក្រសួងមហាផ្ទៃ ដែលចូលរួមគាំទ្រគោលការណ៍ និងវិធានការទប់ស្កាត់ជំងឺកូវីដ-១៩។ ព្រមទាំងអរគុណ មន្ដ្រីក្រសួងមហាផ្ទៃទាំងអស់ដែលបានកាត់ប្រាក់ខែផ្ទាល់ខ្លួន ដើម្បីប្រយុទ្ធប្រឆាំងនឹងកូវីដ-១៩ ។
សម្ដេចបានបញ្ជាក់ថា ៖ «មកដល់ពេលនេះជំងឺនេះ មិនទាន់ស្រាកស្រាន្ដ នៅលើសកលលោកយើងនេះ ដែលពីមួយថ្ងៃទៅមួយថ្ងៃ មានការកើនឡើងយ៉ាងច្រើន ហើយអ្នកស្លាប់ក៏មានកើនឡើង ។ ដោយឡែកសម្រាប់កម្ពុជារបស់យើងមកទល់ពេលនេះ មាន១២២ ហើយបានជាសះ ស្បើយ៧៧ នៅក្នុងពេទ្យ៤៥ ប៉ុន្ដែមិនមានអ្នកស្លាប់ទេ» ។
សម្ដេចបានបន្ដថា ដូច្នេះមានន័យថា ការយកចិត្តដាក់របស់មន្ដ្រី ក្រសួងសុខាភិបាលក៏ដូច ជាប្រជាពលរដ្ឋគ្រប់រូបធ្វើឲ្យជំងឺកូវីដ-១៩ មិនអាចយកឈ្នះបាន ។ ជាមួយគ្នានោះដែរ សម្ដេច សង្ឃឹមថា នាពេលខាងមុខនេះ នឹងទទួលបានលទ្ធផលល្អកាន់តែប្រសើរ ក្នុងករណីដែលភាគីពាក់បានខិតខំប្រឹងប្រែងទប់ស្កាត់នៅជំងឺនេះផងដែរ ៕
ចែករំលែកព័តមាននេះ