សហរដ្ឋអាមេរិក ៖ កាលពីថ្ងៃអាទិត្យ លោក Stanley Chera ដែលអ្នកអភិវឌ្ឍន៍អចលនទ្រព្យដ៏លេចធ្លោនៅក្នុងទីក្រុងញូវយ៉ក និងជាម្ចាស់ជំនួយមកពីសាធារណរដ្ឋដែលបានបង្កើតក្រុមហ៊ុន Crown Acquisitions បានទទួលមរណភាពដោយសារផលវិបាកទាក់ទងនឹងជំងឺកូវីដ១៩ ក្នុងវ័យ៧០ឆ្នាំ។ គាត់ក៏ជាមិត្តសម្លាញ់របស់លោកប្រធានាធិបតី Donald Trump ផងដែរ។
ព័ត៌មាននេះ ត្រូវបានរាយការណ៍ដំបូងដោយអ្នកកាសែត Yashar Ali។ ចាប់ពីឆ្នាំ ២០១៦ ដល់ឆ្នាំ២០១៩ លោក Chera បានបរិច្ចាគថវិកាសរុបចំនួន ៤០២៨០០ដុល្លារអាមេរិក ជូនដល់លោក Donald Trump ក្នុងអង្គភាព President Inc. និង Trump Victory ដែលជាអង្គភាពជួយដល់ការឡើងដល់ធ្វើប្រធានាធិបតីរបស់លោក Trump។ នេះបើយោងតាមកំណត់ត្រារបស់គណៈកម្មាធិការរៀបចំការបោះឆ្នោតសហព័ន្ធ។
លោក Trump ធ្លាប់បាននិយាយអំពីលោក Chera ថា៖ «គាត់គឺជាបុរសអស្ចារ្យម្នាក់ ហើយគាត់នៅជាមួយខ្ញុំតាំងពីដើមរៀងមក»។
កាសែត New York Post បានរាយការណ៍ពីការចូលមន្ទីរពេទ្យរបស់លោក Chera ដោយសារជំងឺកូវីដ១៩ កាលពីថ្ងៃទី២៤ ខែមីនា។ កាលនោះ លោក Trump ក៏បាននិយាយដោយមិនបញ្ចេញឈ្មោះថា មិត្តរបស់គាត់ម្នាក់បានកំពុងតែរងគ្រោះដោយសារជំងឺកូវីដ១៩។ គេបានជឿជាក់ថា ម្នាក់នោះ គឺជាលោក Chera។
សេតវិមានមិនបានឆ្លើយតបទៅនឹងសំណើសុំការអត្ថាធិប្បាយ ទាក់ទងនឹងការពិពណ៌នារបស់លោក Trump អំពីមិត្តភាពរបស់គាត់ជាមួយមិត្តភាព ឬការបាត់បង់ជីវិតរបស់លោក Chera ទេ។ ក្រុមគ្រួសាររបស់លោក Chera មិនបានពិភាក្សាជាសាធារណៈ អំពីចំណងមិត្តភាពជាមួយប្រធានាធិបតី ឬមរណភាពរបស់លោកទេ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ