ចិន ៖ តាមប្រភពព័ត៌មាន CNN បានឱ្យដឹងថា គណៈកម្មការសុខភាពជាតិរបស់ប្រទេសចិន បានប្រកាសករណីឆ្លងវីរុសកូវីដ១៩ចំនួន១០៨ករណីនៅព្រឹកថ្ងៃទី១៣ មេសា នេះ ដែលជាចំនួនខ្ពស់បំផុតក្នុងរយៈពេលមួយខែនេះ…
ចិន ៖ តាមប្រភពព័ត៌មាន CNN បានឱ្យដឹងថា គណៈកម្មការសុខភាពជាតិរបស់ប្រទេសចិន បានប្រកាសករណីឆ្លងវីរុសកូវីដ១៩ចំនួន១០៨ករណីនៅព្រឹកថ្ងៃទី១៣ មេសា នេះ ដែលជាចំនួនខ្ពស់បំផុតក្នុងរយៈពេលមួយខែនេះ ។
ភាគច្រើននៃការឆ្លងថ្មី ត្រូវបាននាំចូលមកពីក្រៅប្រទេសដែលក្នុងនោះ៩៨ករណី នៃអ្នកដែលត្រូវបានគេធ្វើរោគវិនិច្ឆ័យថា បានផ្ទុកវីរុសនេះ គឺជាអ្នកមកពីបរទេស ។ ប៉ុន្តែក៏មានករណីឆ្លងក្នុងស្រុកចំនួន១០ករណីផងដែរ ដែល៧ករណីនៅខេត្ត Heilongjiang និង៣ករណីទៀត នៅក្នុងខេត្ត Guangdong នៅភាគខាងត្បូងនៃប្រទេសចិន។
ថ្វីដ្បិតតែប្រទេសចិន ជាចំណុចកណ្តាលនៃជំងឺរាតត្បាតវីរុសនេះក្តី ប្រទេសនេះ មានការថយចុះយ៉ាងខ្លាំងនូវករណីនានាក្នុងរយៈពេលមួយខែកន្លងមក។ ថ្មីៗនេះបានចាប់ផ្តើមដកចេញនូវបទប្បញ្ញត្តិនៃការចាក់សោយ៉ាងតឹងរឹងនៅទូទាំងប្រទេស។ ប៉ុន្តែឥឡូវនេះមន្ត្រីមានការព្រួយបារម្ភអំពីរលកនៃការឆ្លងទីពីរ ដែលនាំចូលប្រទេសចិនពីបរទេស។
គួរបញ្ជាក់ផងដែរថា ចំនួនករណីសរុបដែលបានរាយការណ៍ជាផ្លូវការនៅក្នុងប្រទេសឥឡូវនេះមានចំនួន ៨២១៦០នាក់ ដែលមានអ្នកស្លាប់ចំនួន៣៣៤១នាក់៕
ចែករំលែកព័តមាននេះ