បរទេស ៖ កិច្ចព្រមព្រៀងមួយបានធ្វើឡើង កាលពីថ្ងៃអាទិត្យបន្ទាប់ពីមានសន្និសីទវីដេអូរវាងប្រទេសផលិតប្រេង ដែលបានព្រមព្រៀងគ្នា កាត់បន្ថយការផលិតដ៏ធំបំផុត នៅក្នុងផលិតកម្មប្រេងដែលមិនធ្លាប់មាន ដែលធ្វើឲ្យគ្រប់ភាគីពាក់ព័ន្ធសង្ឃឹមថា តម្លៃប្រេងឥន្ធនៈលើទីផ្សារពិភពនឹងមិនធ្លាក់ចុះខ្លាំងទៀតនោះទេ ។
អង្គការប្រេងហៅថា Opec + ដែលបង្កើតឡើងដោយអ្នកផលិតប្រេង និងសម្ព័ន្ធមិត្តរួមទាំងប្រទេសរុស្ស៊ីបានប្រកាសផែនការសម្រាប់កិច្ចព្រមព្រៀងនេះនៅថ្ងៃទី៩ ខែមេសា ប៉ុន្តែប្រទេសម៉ិកស៊ិកបានប្រឆាំងនឹងការកាត់បន្ថយ។
យ៉ាងណាមិញ អង្គការ Opec មិនទាន់បានប្រកាសពីកិច្ចព្រមព្រៀងនេះនៅឡើយទេ ប៉ុន្តែប្រទេសនីមួយៗបានបញ្ជាក់ពីកិច្ចព្រមព្រៀងនេះថា បានសម្រេចយល់ព្រមគ្នាហើយ ។ ព័ត៌មានលម្អិតតែមួយគត់ដែលត្រូវបានបញ្ជាក់រហូតមកដល់ពេលនេះ គឺថា ប្រេងចំនួន៩,៧ លានបារ៉ែលក្នុងមួយថ្ងៃកន្លងនឹងត្រូវកាត់បន្ថយដោយក្រុមហ៊ុនផលិតប្រេងនិងសម្ព័ន្ធមិត្តប្រេងរបស់ Opec តែកាត់បន្ថយមកត្រឹមកម្រិតណានោះ គឺមិនទាន់ត្រូវបានលាតត្រដាងនោះទេ ។
កាលពីថ្ងៃច័ន្ទនៅអាស៊ីប្រេងបានឡើងថ្លៃជាង១ដុល្លារក្នុងមួយបារ៉ែលក្នុងការជួញដូរដំបូងជាមួយតម្លៃប្រេងគោល Brent បានកើនឡើង៣,៩% ឬតម្លៃបានឡើងដល់ ៣២,៧១ ដុល្លារក្នុងមួយបារ៉ែល និងប្រេង West Texas Intermediate ដែលឡើងថ្លៃ ៦,១% ឬតម្លៃ ២៤,១៥ ដុល្លារក្នុងមួយបារ៉ែល។
ភាគហ៊ុននៅក្នុងប្រទេសអូស្ត្រាលីបានកើនឡើង ៣,៤៦% កាលពីថ្ងៃច័ន្ទ នាំមុខដោយអ្នកនាំចេញថាមពល ប៉ុន្តែក្រុមហ៊ុន Nikkei 225 របស់ជប៉ុនបានធ្លាក់ចុះ ១,៣៥% ដោយសារការព្រួយបារម្ភជាបន្តនៃតម្រូវការពិភពលោកដែលមិនល្អដោយសារតែការរីករាលដាលនៃមេរោគកូវីដ ១៩ ។
លោកប្រធានាធិបតីអាមេរិក ដូណាល់ ត្រាំ និងរដ្ឋមន្ត្រីក្រសួងថាមពលនៃប្រទេសគុយវ៉ែតគឺលោកវេជ្ជបណ្ឌិត Khaled Ali Mohammed al-Fadhel បានសរសេរលើព័ត៌មាននេះស្របពេលដែលក្រសួងថាមពលរបស់អារ៉ាប៊ីសាអ៊ូឌីតនិងទីភ្នាក់ងារព័ត៌មានរដ្ឋ Tass ទាំងពីរបានបញ្ជាក់ពីកិច្ចព្រមព្រៀងដាច់ដោយឡែកពីគ្នាកាលពីថ្ងៃអាទិត្យ។
លោកត្រាំបានសរសេរថា «កិច្ចព្រមព្រៀងប្រេងធំជាមួយ OPEC Plus ត្រូវបានធ្វើ។ នេះនឹងជួយសន្សំសំចៃការងារថាមពលរាប់រយរាប់ពាន់នៅក្នុងសហរដ្ឋអាមេរិក។ ខ្ញុំសូមថ្លែងអំណរគុណនិងអបអរសាទរចំពោះប្រធានាធិបតី ពូទីន នៃប្រទេសរុស្ស៊ីនិងព្រះមហាក្សត្រសាម៉ាននៃប្រទេសអារ៉ាប់ប៊ីសាអូឌីត ។ ខ្ញុំទើបតែបាននិយាយជាមួយពួកគេពីការិយាល័យពងក្រពើ។ ល្អណាស់សម្រាប់ទាំងអស់គ្នា» ។
យ៉ាងណាមិញ ការធ្លាក់ចុះនៃតម្រូវការប្រើប្រាស់ប្រេងឥន្ធនៈលើពិភពលោកបានធ្លាក់ចុះខ្លាំងដោយសារតែរងឥទ្ធិពលអវិជ្ជមានកូវីដ១៩ វាយលុកពិភពលោក ដែលនាំឲ្យតម្លៃប្រេងសាំងធម្មតានៅកម្ពុជាសម្រាប់ការអនុវត្តពីថ្ងៃទី ១-១៥ មេសា ធ្លាក់ចុះខ្លាំងក្នុងប្រវត្តិសាស្ត្រមកត្រឹមតែ ២៣៥០ រៀលក្នុងមួយលីត្រ ៕
ចែករំលែកព័តមាននេះ