សមាជិកក្រុមបាល់ទាត់ជម្រើសជាតិប្រេស៊ីលជំនាន់ World Cup 1982 បានរួបរួមគ្នាដើម្បីស្នើសុំជនរួមជាតិប្រេស៊ីលធ្វើការជាមួយគ្នា និងបរិច្ចាគប្រាក់ជួយដល់កិច្ចការប្រយុទ្ធប្រឆាំង និងទប់ទល់ផលប៉ះពាល់នៃវីរុស COVID-19 ។ នៅក្នុងគំនិតផ្តួចផ្តើមដឹកនាំដោយលោក…
សមាជិកក្រុមបាល់ទាត់ជម្រើសជាតិប្រេស៊ីលជំនាន់ World Cup 1982 បានរួបរួមគ្នាដើម្បីស្នើសុំជនរួមជាតិប្រេស៊ីលធ្វើការជាមួយគ្នា និងបរិច្ចាគប្រាក់ជួយដល់កិច្ចការប្រយុទ្ធប្រឆាំង និងទប់ទល់ផលប៉ះពាល់នៃវីរុស COVID-19 ។
នៅក្នុងគំនិតផ្តួចផ្តើមដឹកនាំដោយលោក Paulo Roberto Falcao ជាមួយអតីតកីឡាករចំនួន១៩នាក់ផ្សេងទៀតក្នុងនោះរួមមានលោក Zico, Junior និងលោក Leandro បានថតសារជាវីដេអូអំពាវនាវរកការបរិច្ចាគពីសប្បុរសជន ។
លោក Roberto Falcao បាននិយាយថា «សមាជិកក្រុមប្រេស៊ីលឆ្នាំ ១៩៨២ ត្រូវបានគេស្គាល់ដោយសារភាពច្នៃប្រឌិត ក្រមសីលធម៌ និងការរួមរួបគ្នា ។ ឥឡូវនេះ យើងកំពុងធ្វើសកម្មភាពសម្រាប់ប្រេស៊ីលម្តងទៀត» ។
អតីតខ្សែបម្រើក្លិប AS Roma និង Inter Milan រូបនេះបានបង្ហើបថា ទឹកប្រាក់ចំនួន ៥០០.០០០ ដុល្លារ ត្រូវបានបរិច្ចាគក្នុងរយៈពេលមិនដល់មួយសប្តាហ៍ផង ។
ប្រជាជនប្រេស៊ីលចំនួន ១,១៤១នាក់បានស្លាប់ដោយសារវីរុសនេះ ប៉ុន្តែក្រុមគ្រូពេទ្យកំពុងមានក្តីបារម្ភថា ចំនួនអ្នកបាត់បង់ជីវិតអាចនឹងកើនឡើងខ្លាំង ចំពេលដែលករណីឆ្លងបានកើនឡើងជាង ២០,០០០ករណីក្នុងប្រទេសនេះ ៕ (ដកស្រង់ចេញពី Reuters)
ចែករំលែកព័តមាននេះ