អតីតកីឡាករ និងជាអ្នកចាត់ការទូទៅរបស់ក្លិបហង្សក្រហម Liverpool គឺលោក Kenny Dalglish បានធ្វើតេស្តរកឃើញថាមានសញ្ញាវិជ្ជមាននៃវីរុស COVID-19 នេះបើតាមការបញ្ជាក់ពីក្លិបផ្ទាល់ ។
លោក Kenny Dalglish ត្រូវបានបញ្ជូនទៅមន្ទីរពេទ្យកាលពីថ្ងៃទី ៨ ខែ មេសា បន្ទាប់ពីមានបញ្ហាសុខភាព ហើយក៏ត្រូវបានគេធ្វើតេស្តរកឃើញថា មានសញ្ញាវិជ្ជមានចំពោះវីរុសនេះតែម្តង បើទោះបីជាលោកមិនបានបង្ហាញរោគសញ្ញាណាមួយនៃវីរុសក៏ដោយ ។
បុរសវ័យ៦៩ឆ្នាំរូបនេះដែលបានឈ្នះជើងឯកពានរង្វាន់ទ្វីបអឺរ៉ុបចំនួន៣លើក អំឡុងពេលជាកីឡាកររបស់ Liverpool កំពុងបន្តសម្រាកនៅមន្ទីរពេទ្យដើម្បីព្យាបាលបន្តទៀត ។
អតីតមិត្តរួមក្រុម និងកូនក្រុមចាស់ ព្រមទាំងបុគ្គលល្បីល្បាញជាច្រើនក្នុងបាល់ទាត់ បាននាំគ្នាធ្វើការជូនពរដល់លោក Kenny Dalglish ឱ្យឆាប់ជាសះស្បើយពីជំងឺដ៏កាចសាហាវនេះ ៕ (ដកស្រង់ចេញពី Sky Sports)
ចែករំលែកព័តមាននេះ