ក្លិបកាំភ្លើងធំ Arsenal ប្រកាសនឹងផ្តល់នូវអាហារឥតគិតថ្លៃច្រើនជាង៣០.០០០ចំណែក ព្រមទាំងផលិតផលអនាម័យដល់ប្រជាជន ដែលងាយរងគ្រោះនៅក្នុងសហគមន៍ក្នុងតំបន់អំឡុងពេលការរាតត្បាតនៃវីរុសឆ្លង COVID-19 ។
ក្លិបមានមូលដ្ឋាននៅភាគខាងជើងទីក្រុងឡុងដ៍មួយនេះ ក៏បានសន្យាថានឹងបរិច្ចាគថវិកាចំនួន ១សែនផោនដល់អង្គការក្នុងតំបន់ ហើយថវិកាចំនួន៥ម៉ឺនផោនផ្សេងទៀតនឹងបរិច្ចាគដល់មូលនិធិដែលប្រយុទ្ធប្រឆាំងនឹង COVID-19 ។
ក្លិបបាននិយាយនៅក្នុងសេចក្តីថ្លែងការណ៍មួយថាមូលនិធិរបស់ពួកគេ បានចូលរួមសហការជាមួយ HIS ។ គំនិតផ្តួចផ្តើមនេះបង្កើតបានជាផ្នែកមួយនៃការឆ្លើយតបរបស់សហគមន៍យើង ទៅនឹងការរាតត្បាតនៃវីរុស COVID-19 ដើម្បីរួមចំណែកជួយដល់បុគ្គលិកសហគមន៍ស្ម័គ្រចិត្តជួរមុខរបស់ NHS ។
សូមរំលឹកថាក្លិប Manchester United និង Wolverhampton Wanderers បានប្រកាសផ្តល់កញ្ចប់គាំទ្រកាលពីថ្ងៃព្រហស្បតិ៍ ដើម្បីជួយដល់សេវាសុខភាពជាតិ (NHS) ក្នុងការប្រយុទ្ធប្រឆាំងនឹងវីរុសដែលបានឆក់យកជីវិតមនុស្សជាង៩,០០០នាក់នៅក្នុងប្រទេសអង់គ្លេស ៕ (ដកស្រង់ចេញពី CNA)
ចែករំលែកព័តមាននេះ