អង់គ្លេស៖ យោងតាមការស្រាវជ្រាវថ្មីមួយបានបានបង្ហាញថា ប្រជាជនអង់គ្លេសជាង ៣ លាននាក់ កំពុងរស់នៅជាមួយភាពអត់ឃ្លានដោយសារតែវិបត្តិជំងឺឆ្លងវីរុសកូវីដ ១៩ ។ បើយោងតាមការស្រាវជ្រាវថ្មីបានបង្ហាញថា ការធ្លាក់ចុះនៃប្រាក់ចំណូលបានធ្វើឱ្យគ្រួសារជាច្រើនធ្លាក់ចូលក្នុងភាពក្រីក្រអំឡុងពេលជាប់គាំង ឬអំឡុងពេលនៃការបិទប្រទេសទាំងមូល ។
មូលនិធិស្បៀងអាហារ ដែលជាអង្គការស្រាវជ្រាវមួយបាននិយាយកាលពីថ្ងៃសៅរ៍ថា ៦ ភាគរយនៃមនុស្សពេញវ័យដែលត្រូវបានស្ទង់មតិស្មើនឹង ៣ លាននាក់បានប្រាប់ពួកគេថា កង្វះខាតស្បៀងអាហារ ដែលបានបង្ខំមនុស្សម្នាក់ក្នុងគ្រួសាររបស់ពួកគេ ត្រូវអត់មានអីទទួលទានក្នុងអំឡុងពេលបីសប្តាហ៍ចុងក្រោយនេះ។ នេះបើយោងតាមការចុះផ្សាយរបស់សារព័ត៌មាន financial times ចុះថ្ងៃទី ១១ ខែមេសានេះ ។
នៅក្នុងការស្ទង់មតិមួយជាមួយនឹងមនុស្សពេញវ័យចំនួន ៤,៣៤៣ នាក់ដែលការស្ទង់មតិនេះត្រូវបានអនុវត្តដោយអង្គភាព YouGov តំណាងឲ្យ មូលនិធិស្បៀងអាហារ បានឲ្យដឹងថា ១៦ ភាគរយនៃអ្នកស្ទង់មតិ បាននិយាយថា ពួកគេប្រឈមមុខនឹងបញ្ហាកង្វះខាតស្បៀងអាហារ ដោយសារតែការរីករាលដាលនៃវីរុសកូវីដ ១៩ ។
ការកើនឡើងយ៉ាងខ្លាំងនៃភាពក្រីក្រនៃស្បៀងអាហារ ត្រូវបានជំរុញដោយសារការដាក់ខ្លួនឲ្យនៅដាច់ដោយឡែក និងកង្វះខាតលុយកាក់ ដោយសារតែការបិទទ្វារសេដ្ឋកិច្ចដែលមិនធ្លាប់មានពីមុនមកធ្វើឱ្យកម្មកររាប់លាននាក់ដែលប្រែក្លាយជាជាមនុស្សអត់ការងារធ្វើ ឬដួលរលំសេដ្ឋកិច្ចគ្រួសារ ឬត្រូវពឹងផ្អែកលើការគាំទ្រពីរដ្ឋាភិបាលវិញ ។
អ្នកស្រី Anna Taylor នាយកប្រតិបត្តិនៃមូលនិធិស្បៀងអាហារបានមានប្រសាសន៍ថា « វាមានបញ្ហានៃភាពក្រីក្រលើស្បៀងអាហារដែលមិនត្រូវបានដោះស្រាយនាពេលកន្លងមក ហើយយើងកំពុងតែមើលឃើញលទ្ធផលវានៅពេលនេះ» ។ លើសពីនេះទៅទៀត យើងមានបញ្ហាថ្មីជុំវិញភាពឯកោ និងកង្វះខាតដែលប្រជាជនកំពុងប្រាប់យើងថា ពួកគេមិនអាចចេញទៅទទួលបានអាហារដែលពួកគេត្រូវការនោះទេ។
យោងតាមការស្ទង់មតិនេះ ៣ ភាគរយនៃអ្នកឆ្លើយតបបានឲ្យដឹងថា ពួកគេគ្មានអាហារហូបពេញមួយថ្ងៃ ចាប់តាំងពីបិទប្រទេសមកនាក់បានដេកពេញមួយថ្ងៃ ដោយមិនបានបរិភោគចាប់តាំងពីការចាក់សោរចូលជាធរមាន។ ក្នុងចំណោមអ្នកដែលនិយាយថា ពួកគេកំពុងប្រឈមនឹងបញ្ហាអសន្តិសុខស្បៀងមាន ៥០ ភាគរយនិយាយថា ពួកគេកំពុងតស៊ូដោយសារកង្វះខាតពាក់ព័ន្ធការរីករាលដាលនៃជំងឺរាតត្បាត និង ២៥ ភាគរយ ដោយសារពួកគេមិនអាចចេញពីផ្ទះទៅទិញឥវ៉ាន់បាន។ ដកស្រង់ចេញពីវេបសាយ ៖ ft (កែសម្រួលដោយ ៖ បុប្ផា)
ចែករំលែកព័តមាននេះ