ខេត្តឧត្តរមានជ័យ ៖ បើតាមសេចក្តីរាយការណ៍បានឱ្យដឹងថា ក្រុមឈ្មួញខ្មែរបាននាំសត្វជ្រូក និងមាន់ចូលតាមច្រកទ្វារអន្តរជាតិអូរស្មាច់ និងច្រកទ្វារអន្តរជាតិជាំ យ៉ាងគគ្រឹកគគ្រេងជារៀងរាល់យប់ថ្ងៃ ដោយដឹកជញ្ជូនយកមកទៅទម្លាក់លក់នៅតាមបណ្តាខេត្តផ្សេងៗ និងនាំចេញទៅលក់ឱ្យប្រទេសវៀតណាមផងដែរ ។…
ខេត្តឧត្តរមានជ័យ ៖ បើតាមសេចក្តីរាយការណ៍បានឱ្យដឹងថា ក្រុមឈ្មួញខ្មែរបាននាំសត្វជ្រូក និងមាន់ចូលតាមច្រកទ្វារអន្តរជាតិអូរស្មាច់ និងច្រកទ្វារអន្តរជាតិជាំ យ៉ាងគគ្រឹកគគ្រេងជារៀងរាល់យប់ថ្ងៃ ដោយដឹកជញ្ជូនយកមកទៅទម្លាក់លក់នៅតាមបណ្តាខេត្តផ្សេងៗ និងនាំចេញទៅលក់ឱ្យប្រទេសវៀតណាមផងដែរ ។
បើតាមប្រជាពលរដ្ឋដែលរស់នៅក្នុងខេត្ត តែងតែនាំគ្នានិយាយត្អូញត្អែរ និងព្រួយបារម្ភថា រថយន្តតូច-ធំរបស់ក្រុមហ៊ុនដឹកសត្វជ្រូក សត្វមាន់ បើកបរក្នុងល្បឿនលឿនណាស់ ពួកគាត់មានការភ័យខ្លាចគ្រោះថ្នាក់ដល់កូនចៅៗ និងសត្វគោក្របីដែលដើរឆ្លងថ្នល់។ លើលពីនោះ ពួកគាត់ព្រួយបារម្ភទៅនឹងមជំងឺឆ្លងបក្សាបក្សីទៀតផង ខណៈមានក្រុមឈ្មួញតូចតាចដែលទទួលពីក្រុមហ៊ុនធំ ដឹកសត្វជ្រូក មាន់ដាក់ពង្រាយតាមបណ្តាស្រុកក្នុងខេត្ត និងតាមបណ្តាស្រុក-ខេត្តផ្សេងៗទៀត ។
បើតាមលោកតាញ់ បុត្តា ប្រធានការិយាល័យបសុព្យាបាលពេទ្យសត្វមន្ទីរកសិកម្ម រុក្ខាប្រមាញ់ និងនេសាទខេត្ត បានអះអាងថា ក្រុមហ៊ុនខាងលើមានអាជ្ញាប័ណ្ណនាំសត្វជ្រូក និងមាន់ចូលពីប្រទេសថៃមកកម្ពុជា ក្នុងនោះយើងមានមន្ត្រីជំនាញបសុពេទ្យខេត្តចំនួន៣នាក់ ធ្វើការត្រួតពិនិត្យនៅនឹងមាត់ច្រកទ្វារអន្តរជាតិអូរស្មាច់ ។ ដោយឡែកច្រកទ្វារអន្តរជាតិជាំ មិនមានច្បាប់នាំចូលទេ តែមន្ត្រីជំនាញបសុពេទ្យ បានធ្វើការបង្ក្រាបចាប់ឃាត់ និងផាកពិន័យ កន្លងមក៕ (កែសម្រួលដោយ ៖ បុប្ផា)
ចែករំលែកព័តមាននេះ