ប៉េកាំង ៖ ទីភ្នាក់ងារសារព័ត៌មានចិនស៊ីនហួ បានរាយការណ៍ថា ប្រធានាធិបតីចិនលោកស៊ី
ជីនពីង បានព្រមានប្រឆាំងនឹងហានិភ័យនៃរលកវាយប្រយារជាលើកទី២ នៃការឆ្លងវីរុសកូវីដ ១៩ លើប្រទេសចិន ខណៈជំងឺរាតត្បាតមួយនេះកំពុងតែបន្តរីករាលដាលពេញពិភពលោក។
ថ្លែងនៅក្នុងកិច្ចប្រជុំនៃក្រុមអ្នកធ្វើសេចក្តីសម្រេចចិត្តកំពូលរបស់បក្សកុម្មុយនីស្តចិន កាលពីថ្ងៃពុធ កន្លងទៅ គណៈកម្មាធិការអចិន្ត្រៃយ៍នយោបាយ លោកស៊ី បាននិយាយថា ចំពេលមានសម្ពាធធ្លាក់ចុះលើសេដ្ឋកិច្ចពិភពលោក «កត្តាមិនស្ថិតស្ថេរ និងភាពមិនប្រាកដប្រជា» កំពុងតែកើនឡើង។ ការផ្ទុះឡើងនៃវីរុសនេះ ត្រូវបានគ្រប់គ្រងដោយជោគជ័យនៅប្រទេសចិន ព្រោះមានការឆ្លង ឬការស្លាប់ថ្មីៗធ្លាក់ចុះខ្លាំងនៅក្នុងប៉ុន្មានសប្តាហ៍ថ្មីៗនេះ។
នៅថ្ងៃពុធចំណុចកណ្តាល នៃការផ្ទុះដំបូង គឺវូហាន បានបញ្ចប់ការនូវការបិទខ្ទប់ទីក្រុង។ លោកស៊ី ត្រូវបានដកស្រង់សម្តីដោយបាននិយាយថា «ការលំបាកនិងបញ្ហាប្រឈមថ្មីៗបានលេចឡើងសម្រាប់ការបន្តការងាររបស់ចិននិងការអភិវឌ្ឍសេដ្ឋកិច្ចនិងសង្គម» ។ លោក ស៊ី បានជំរុញឱ្យអាជ្ញាធរចិនឃ្លាំមើលយ៉ាងប្រុងប្រយ័ត្នចំពោះករណីដែលនាំចូលពីបរទេស និងការពារការកើតឡើងវិញនៃជំងឺនេះនៅក្នុងប្រទេសចិនជាថ្មី ៕ (កែសម្រួលដោយ ៖ បុប្ផា)
ចែករំលែកព័តមាននេះ