ខេត្តតាកែវ ៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យម្នាក់ត្រូវកម្លាំងនគរបាលស្រុកទ្រាំង ធ្វើការឃាត់ខ្លួនទៅតាមពាក្យបណ្តឹងកូនលោកយាយរងគ្រោះ ដោយចោទប្រកាន់ពីបទចាប់រំលោភរហូតបានសម្រេច ខណៈពេលដែលលោកយាយរងគ្រោះកំពុងតែដេកលង់លក់នៅក្នុងមុង ស្រាប់តែជនសង្ស័យចូលធ្វើសកម្មភាពចាប់រំលោភរហូតបានសម្រេច រួចក៏រត់គេចខ្លួនបាត់តែម្តង។ ហេតុការណ៍នេះបានកើតឡើងកាលពីម៉ោង១២និង៣០នាទីរំលងអធ្រាត្រ ថ្ងៃទី១០ ខែមេសា ឆ្នាំ២០២០ នៅក្នុងវត្តភ្នំខ្លែង ស្ថិតក្នុងភូមិភ្នំខ្លែង ឃុំព្រែស្លឹក ស្រុកទ្រាំង ។
បើតាមលោកវរសេនីយ៍ត្រី ប៊ិច វណ្ណា អធិការរងនគរបាលស្រុកទ្រាំង បានឱ្យដឹងថា ជនសង្ស័យដែលត្រូវឃាត់ខ្លួននោះមានឈ្មោះ ឯក ប៉េង ភេទប្រុស អាយុ៦០ឆ្នាំ មុខរបរកសិករ មានស្រុកកំណើតក្នុងភូមិស្នួល ឃុំស្រង៉ែ ស្រុកទ្រាំង និងធ្លាប់ជាប់គុកប្រមាណជា២ឆ្នាំ ពីបទជួញដូគ្រឿងញៀន នៅពន្ធធនាគាខេត្តតាកែវ ហើយចេញពីគុកវិញទើបតែបាន២ខែប៉ុណ្ណោះ ក៏ត្រូវនគរបាលស្រុកឃាត់ខ្លួននៅម៉ោង១០ព្រឹក នាថ្ងៃទី១១ ខែមេសា នៅ ៤ ២០២០ ក្នុងផ្ទះរបស់ជនសង្ស័យរូបនេះតែម្តង ។ ចំណែកលោកយាយរងគ្រោះអាយុ៧០ឆ្នាំ ស្រុកកំណើត។
លោកអធិការរងនគរបាលស្រុក បានបន្តទៀតថា នៅមុនពេលកើតហេតុ លោកយាយរងគ្រោះកំពុងតែដេកលង់លក់នៅលើគ្រែក្នុងមុង នៅក្នុងវត្ត ស្រាប់តែជនសង្ស័យលបទៅចាប់រំលោភរហូតបានសម្រេច លុះកូនប្រុសលោកបានមកដល់ ប៉ុន្តែជនសង្ស័យបានគេចខ្លួនបាត់ទៅហើយៗ លុះព្រឹកឡើងទើបដាក់ពាក្យបណ្តឹងដល់នគរបាលស្រុកឱ្យចាប់ខ្លួន។
នៅចំពោះមុខនគរបាល ជនសង្ស័យខាងលើបាននិយាយសារភាពថា រូបគេពិតជាបានធ្វើសកម្មភាពចាប់រំលោភលោកយាយជីពិតប្រកដមែន។ ហើយនៅពេលនេះ ជនសង្ស័យកំពុងតែកសាងសំណុំរឿង ដើម្បីបញ្ជូនជនសង្ស័យនៅកាន់សាលាដំបូងខេត្ត ចាត់ទៅតាមច្បាប់នៅថ្ងៃទី១២ ខែមេសានេះហើយ។ (កែសម្រួលដោយ ៖ បុប្ផា)
ចែករំលែកព័តមាននេះ