ប្រទេសអង់គ្លេស ៖ នាយករដ្ឋមន្ត្រីអង់គ្លេស លោក Boris Johnson អាចដើរបានម្តងទៀត បន្ទាប់ពីគាត់ត្រូវបានគេព្យាបាលនៅក្នុងបន្ទប់ព្យាបាលជំងឺធ្ងន់ ដោយសារតែជំងឺកូវីដ១៩។ សេចក្តីថ្លែងការណ៍របស់សារព័ត៌មាន…
ប្រទេសអង់គ្លេស ៖ នាយករដ្ឋមន្ត្រីអង់គ្លេស លោក Boris Johnson អាចដើរបានម្តងទៀត បន្ទាប់ពីគាត់ត្រូវបានគេព្យាបាលនៅក្នុងបន្ទប់ព្យាបាលជំងឺធ្ងន់ ដោយសារតែជំងឺកូវីដ១៩។ សេចក្តីថ្លែងការណ៍របស់សារព័ត៌មាន Number 10 បាននិយាយថា៖ «លោកនាយករដ្ឋមន្ត្រីអាចដើរបានខ្លះៗ ក្នុងអំឡុងពេលសម្រាក ជាផ្នែកមួយនៃការថែទាំដែលលោកកំពុងទទួល ដើម្បីជួយដល់ការជាសះស្បើយរបស់លោក»។
គេបានបន្តថា៖ «គាត់បាននិយាយទៅកាន់គ្រូពេទ្យរបស់គាត់ ហើយអរគុណក្រុមគ្លីនិកទាំងមូលចំពោះការយកចិត្តទុកដាក់ដ៏ល្អអស្ចារ្យ ដែលគាត់បានទទួល។ គាត់នៅគិតពីអ្នកដែលរងផលប៉ះពាល់ដោយជំងឺដ៏គួរឱ្យភ័យខ្លាចនេះ»។
គាត់ត្រូវបានគេនាំទៅមន្ទីរពេទ្យ St Thomas ដែលស្ថិតនៅកណ្តាលទីក្រុងឡុងដ៍ នៅយប់ថ្ងៃអាទិត្យ។ នេះគឺដប់ថ្ងៃ បន្ទាប់ពីការធ្វើតេស្តិ៍វិជ្ជមានជំងឺកូវីដ១៩។ គាត់បានចំណាយពេលបីយប់នៅទីនោះ មុនពេល Downing Street បានបញ្ជាក់ថា គាត់កំពុងស្ថិតក្នុងដំណាក់កាលដំបូងនៃការជាសះស្បើយរបស់គាត់ ហើយបានផ្លាស់ទៅបន្ទប់ព្យាបាលជំងឺទូទៅវិញ។
អ្នកនាំពាក្យរបស់លោកបានបញ្ជាក់កាលពីថ្ងៃសុក្រថា លោក Johnson បានថ្លែងអំណរគុណដល់គ្រូពេទ្យ និងគិលានុបដ្ឋាយិកា នៅពេលដែលលោកចាកចេញពីផ្នែកថែទាំជំងឺធ្ងន់។
គួរបញ្ជាក់ផងដែរថា ចំនួនអ្នកបាត់បង់ជីវិតដោយសារជំងឺកូវីដ១៩ នៅអង់គ្លេសក្នុងមួយថ្ងៃមានចំនួន ៩៨០នាក់ ដែលកើនលើសចំនួនសរុបប្រចាំថ្ងៃរបស់អេស្ប៉ាញ និងអ៊ីតាលី។ ចំនួនអ្នកបាត់បង់ជីវិតសរុបនៅក្នុងមន្ទីរពេទ្យចក្រភពអង់គ្លេសពេលនេះមានចំនួន ៨៩៥៨នាក់៕ ដកស្រង់ចេញពីវេបសាយ ៖ sky (កែសម្រួលដោយ ៖ បុប្ផា)
ចែករំលែកព័តមាននេះ