អ្នកប្រើមធ្យោបាយសាធារណៈទាំងអស់ តម្រូវឱ្យពាក់ម៉ាស់
ប្រទេសសិង្ហបុរី ៖ រដ្ឋមន្ត្រីក្រសួងដឹកជញ្ជូនរបស់សិង្ហបុរី លោក Khaw Boon Wan បាននិយាយនៅក្នុងសារហ្វេសប៊ុកមួយនៅថ្ងៃសៅរ៍ (១១ មេសា)…
ប្រទេសសិង្ហបុរី ៖ រដ្ឋមន្ត្រីក្រសួងដឹកជញ្ជូនរបស់សិង្ហបុរី លោក Khaw Boon Wan បាននិយាយនៅក្នុងសារហ្វេសប៊ុកមួយនៅថ្ងៃសៅរ៍ (១១ មេសា)…
ប្រទេសសិង្ហបុរី ៖ រដ្ឋមន្ត្រីក្រសួងដឹកជញ្ជូនរបស់សិង្ហបុរី លោក Khaw Boon Wan បាននិយាយនៅក្នុងសារហ្វេសប៊ុកមួយនៅថ្ងៃសៅរ៍ (១១ មេសា) ថា អ្នកដំណើរទាំងអស់នឹងត្រូវពាក់ម៉ាស់លើមធ្យោបាយធ្វើដំណើរសាធារណៈ ដើម្បីទប់ស្កាត់ការរីករាលដាលនៃវីរុសនេះ។
លោកបានសរសេរថា៖ «យើងនឹងធ្វើឱ្យការពាក់ម៉ាស់នៅលើមធ្យោបាយសាធារណៈ សំខាន់និងចាំបាច់សម្រាប់អ្នកទាំងអស់គ្នា។ នេះនឹងកាត់បន្ថយការបញ្ជូនជំងឺពីម្នាក់ទៅម្នាក់»។
លោកបានបន្តថា ជាមួយនឹងវិធានការទប់ស្កាត់ការប្រមូលផ្តុំនៅក្នុងកន្លែងរថភ្លើង និងឡានក្រុង ការរក្សាគម្លាត គឺអាចធ្វើទៅបានសម្រាប់អ្នកដំណើរដែលធ្វើដំណើរតាមមធ្យោបាយសាធារណៈ។
លោកបានយល់ថា ការរក្សាគម្លាតនៅតាមមធ្យោបាយសាធារណៈមិនអាចធ្វើទៅរួចទេ ព្រោះតែគ្រប់គ្នាសុទ្ធតែប្រញ៉ាប់ ហើយមានតែការពាក់ម៉ាស់ទេ ទើបអាចជួយដោះស្រាយបញ្ហានេះបានខ្លះ។
លោក Khaw បាននិយាយថា៖ «ខ្ញុំអាចដឹងថា ពួកគេអាចនឹងគ្មានភាពអត់ធ្មត់។ ខ្ញុំគិតថា អ្វីដែលអាចជួយបាន គឺមានតែការពាក់ម៉ាស់ នៅពេលពួកគេប្រើប្រាស់មធ្យោបាយធ្វើដំណើរសាធារណៈ»។
លោកបានជម្រុញឱ្យអ្នកដែលគ្មានម៉ាស់ប្រើប្រាស់ ទៅមជ្ឈមណ្ឌលសហគមន៍ដែលនៅជិតបំផុត ដើម្បីយកវាដោយឥតគិតថ្លៃពីរដ្ឋាភិបាល។ ទោះជាយ៉ាងណា ក៏គាត់សំណូមពរ កុំឱ្យពួកគេបោះចោលម៉ាស់ផ្តេសផ្តាស់ក្រៅធុងសម្រាម ហើយប្រាប់ពួកគេឱ្យនៅផ្ទះជាការប្រសើរ៕ ដកស្រង់ចេញពីវេបសាយ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ