សមាគមកីឡាចំបាប់ជប៉ុន (Sumo) ហៅកាត់ JSA បានប្រកាសនៅថ្ងៃសុក្រនេះថា កីឡាករចំបាប់ស្ថិតនៅចំណាត់ថ្នាក់លំដាប់ទាបម្នាក់ (Lower-Ranked) បានធ្វើតេស្តរកឃើញមានសញ្ញាវិជ្ជមានសម្រាប់វីរុស COVID-19 ដែលនេះជាករណីដំបូងត្រូវបានបញ្ជាក់នៅក្នុងកីឡាបែបបុរាណរបស់ប្រទេស ។
កីឡាករចំបាប់ដែលបានឆ្លងវីរុសនេះ មិនត្រូវបានគេបង្ហាញឱ្យដឹងពីឈ្មោះនោះទេ ដោយបានចាប់ផ្តើមមានអាការៈក្តៅខ្លួនកាលពីថ្ងៃសៅរ៍សប្តាហ៍មុន ហើយបច្ចុប្បន្នរូបគេត្រូវបានដាក់ឱ្យនៅដាច់ដោយឡែកពីអ្នកដទៃ ដើម្បីទទួលការថែទាំពីសំណាក់ក្រុមគ្រូពេទ្យ ។
សមាគមខាងលើក៏បានបញ្ជាក់ថា មកទល់នឹងពេលនេះនៅមិនទាន់មានកីឡាករចំបាប់ណាម្នាក់ បង្ហាញអាការៈណាមួយចំពោះវីរុសនេះនៅឡើយទេ ហើយពួកគេនឹងបន្តតាមដានយ៉ាងយកចិត្តទុកដាក់បំផុត ស្របតាមវិធានការណ៍របស់ក្រសួងសុខាភិបាល ។
ដោយាសារតែករណីនេះបានកើតឡើងជាការផ្ទុះថ្មីសម្រាប់ JSA ដែលត្រូវបង្ខំចិត្តឱ្យសមាគមនេះ ធ្វើការផ្លាស់ប្តូរកាលវិភាគទ្រង់ទ្រាយធំនៃការប្រកួត ជាការឆ្លើយតបទៅនឹងកិច្ចការពារនៃការរាតត្បាតវីរុស COVID-19 ៕ (ដកស្រង់ចេញពី japantimes)
ចែករំលែកព័តមាននេះ